Kirish Ro'yhatdan o'tish

Saytga kirish

Nomingiz *
Parol *
Eslab qol

Ro'yhatdan o'tish

(*) belgiga ega joylarni to'ldirish shart.
Ism *
Nomingiz *
Parol *
Parolni tasdqilash *
Email *
Email tasdiqlash*
Captcha *

Yangiliklar

Emizish payti homilador bo'lsa..

Katta farzandini emizayotgan ayol homilador bo'lib qolish hollari ko'p uchraydi. Qo'lida 1 yoshga to'lmagan chaqalog'i bor ona emizishni ham to'xtatishni istamaydi, homilasini ham saqlab qolish niyatida bo'ladi. Homiladorlik davrida bolani emizish mumkinmi?

Ha, mumkin, lekin hammaga ham emas.

Emizish jarayonida ayol gipofizida oksitotsin moddasi ishlab chiqariladi. Bu modda tug'ish jarayonida bachadon mushaklarini qisqarilishini chaqiradi. Lekin homiladorlikning o'rtacha 20 haftasiga qadar bachadon asab toq'imalari oksitotsinga befarq bo'ladilar, shuning uchun bu darvgacha emizishni to'xtatmaslik mumkin. Ammo homiladorlik muammolar (homila tushish xavfi, yo'ldosh patologiyalari yoki homiladorlik yakunlanishiga olib keluvchi boshqa noxush faktorlar mavjudligi) bilan kechayotgan bo'lsa, u holda homiladorlikni saqlab qolish maqsadida bolani emizish mumkin emas.

Ba'zi ayollar homiladorlikning oxirigacha bemalol katta farzandini emizib, yangi chaqaloq tug'ilganda ham ikkalovini birgalikda egizaklar singari emizishda davom etaveradi. Bundan homilaga ham katta farzandga ham hech qanday ziyon bo'lmaydi. Faqatgina homiladorlik kechishini ginekolog yaxshi nazoratga olishi darkor. Homiladorlikda biron bir muammo yuzaga kelsa, emizishni to'xtatish masalasi ko'riladi.

Homiladorlik yaxshi kechayotgan bo'lib, shifokor bilan maslahatlashgan holda emizishni davom ettirishni rejalashtirgan ayol quyidagilarni bilib qo'yani yaxshi:

1. Ovqatlanish tarzi
Homilador ayol to'g'ri va foydali ovqatlanishga muhtoj bo'lsa, emizuvchi ayol ham mukammal ovqatlanishi zarur. Demak, homiladorlik payti emizayotgan ayol uchun ovqatlanish ratsioni juda mukammal, balanslashtirilgan va foydali moddallarga boy bo'lishi maqsadga muvofiq bo'ladi. Asosiysi, ko'p yeyish emas, balki vitamin va foydali mikroelementlarga boy yeguliklardan yeyish hisoblanadi (batafsil bu yerda o'qing).

2. Katta farzand psixikasi
Agar ayol yangi chaqaloq tug'ilganida katta farzandini emizmaslik yo'lini tanlagan bo'lsa, u holda katta farzandni ko'krak sutidan yangi chaqaloq tug'ilguncha asta-sekin ajratish kerak. Muhimi shundaki, katta farzand "Yangi chaqaloq tufayli men ko'krak sutidan mahrum bo'lyapman", degan psixologik stressga duchor bo'lmasligi. Bola kichkina bo'lsa ham, ruhan u hamma narsani tushunadi. Shuning uchun katta farzand ko'krak sutidan ajratilsa ham, unga mehr va e'tibor yanada ko'proq berilishi lozim. Imkoniyat bo'lib, salomatlik tomondan hech qanday qarshiliklar yuzaga kelmasa, katta farzandni 1 yoshiga qadar emizish foydali bo'ladi.

Mashhur AQSH pediatri Searsning fikricha, bolani emizib homilador bo'lib, keyin yangi chaqaloq tug'ilganda ikkala farzandni birgalikda emizishning zarari yo'q ekan.

3. Dam olish
Homiladorlik davri juda mashaqqatli davr. Bu davrda qo'lida yoshi 1ga bormagan farzandi bor ayolga jismonan juda qiyin bo'ladi. Shuning uchun homiladorlik davrida emizishni rejalashtirayotgan ayolga dam olish uchun uyda yetarlicha sharoit yaratib berish darkor. Kerak bo'lsa, uni uy ishlaridan xoli qilish talab etiladi. Axir hozir eng muhimi, katta farzand jismoniy va ruhiy salomatligi va sog'lom homila rivojlanishidir.

Quyidagi holatlar homiladorlik davrida emizishni to'xtatishga sabab bo'lishi mumkin:

  • Homilador bo'lib qolgan ayolning yoshi kattaligi;
  • Ayolda surunkali kasalliklar mavjudligi;
  • Hozirgi va bundan oldingi homiladorlik davrida muammolar yuzaga kelishi;
  • Toksikoz;
  • Gestoz;
  • Analizlar natijasi normadan tashqarida bo'lishi (masalan, gemoglobin darajasi pastligi homilaga salbiy ta'sir ko'rsatishi mumkin, emizish esa bu ko'rsatkichni yanada pasaytiradi va boshqalar);
  • Ko'krak uchi sezgirligining oshishi (homilador ayol ko'kraklari juda sezgir bo'lib qoladi, bu emizish davomida og'riq va noqulayliklar keltirishi mumkin);
  • Ko'krak suti mazasining o'zgarishi (ba'zi emizayotgan ayollarda homiladorlikning 2 trimestrdan so'ng ko'krak suti mazasi o'zgarishi kuzatiladi, bunda bolaning o'zi ko'krakdan bosh tortishni boshlaydi).

Ba'zi shifokorlar homiladorlik yuz bergani aniqlansa, emizishni darhol to'xtatishni tavsiya qiladilar. Bunday qilishga haqiqiy asos borligiga amin bo'lish kerak. Agar bola 1 yoshdan oshgan bo'lsa, u holda shoshilmasdan bolani qiynamay asta sekinlik bilan sutdan ajratish unga ziyon keltrimaydi. Lekin 1 yoshga to'lmagan chaqaloq ko'krak sutiga, onaning mehrga to'la bag'riga jismonan va ruhan juda muhtoj bo'ladi. Shuning uchun homiladorlik yuz bersa, emizishni to'xtatish yoki to'xtatmaslik haqida qaror qabul qilishdan oldin hamma tomonlarni inobatga olib bir xulosaga kelish zarur.

Manba: askdsears.com

Suhbatimizga qo'shiling!

    • Самира's Avatar
    • Bolani bog'chaga berish
    • Лена болани пампердан чиқаришга харак қилинг боғчага бергунизча. Бола болани куриб қилганини қилиб горшокка урганиб хам олади. 2-3та иштонча обориб қуясиз боғча опаларига яхши муомила қилиб илтимос қилсайиз болайизни яхшироқ қарашади. Мени уғлим 2ёшу 2ойликдан бердик. Фақат бизники ясли 3соатлик. Анча гапиришни урганиб қолди гапирмай қуйганди. Агар иложи булса боғчайлар яқин булса болани 3-4соатга обориб ургатинг 1хафталардан кейин бола куникиб қолади.
    • Самира
    • Pazandaxon's Avatar
    • Parxez taomlar
    • [image] Masalliqlar 200 gr baliq 1 dona piyoz 1 dona balgariskiy 1 dona sabzi 2 dona kartoshka 2 dona chesnok donasi 1 osh qoshiq tomat 2 dona fasol 1 dona yalpiz bargi zanjabil tuz,murch ukrop Tayyorlash: Baliqni yirik kubik shaklida tog'raymiz. Tuz, murch sepib olib qo'yamiz. Qozonga suv solib qaynatamiz, Qaynab chiqqan suvga tog'ralgan piyoz, balgariskiy, sabzi, zanjabil solib 30 daqiqa qaynatamiz (gulkaram ham qo'shish mumkin). So'ng yirik kubik tog'ralgan kartoshka, baliq, fasol, tomat, tuz, murch solib yana 20 daqiqa qaynatamiz. Gazni o'chiramiz. Tayyor bo'lgan sho'rvaga mayda tog'ralgan chesnok va yalpiz solib qozon qopqog'ini 10 daqiqa yopib qo'yamiz. Ukrop sepib dasturxonga tortamiz.
    • Pazandaxon
    • Zaychik's Avatar
    • Online suhbatlar.
    • Aniq bilmadimu ancha oldin apami ovsinlariniyam o't pufagini olib tashlashgandi manam bezovta qilsa o't pufagini olib tashlarkanda deb qo'rqsam hozir tibbiyot rivojlangan toshni uziniyam olsa bo'ladi deyishdi
    • Zaychik

Davomi »

Buni ham o'qib ko'ring

muxokama