Kirish Ro'yhatdan o'tish

Saytga kirish

Nomingiz *
Parol *
Eslab qol

Ro'yhatdan o'tish

(*) belgiga ega joylarni to'ldirish shart.
Ism *
Nomingiz *
Parol *
Parolni tasdqilash *
Email *
Email tasdiqlash*
Captcha *

Ayolning ko'ngli

Ayol bardoshli bo'lgani bilan uning ko'ngli juda zaif bo'ladi. Erkak uchun arzimagan bir so'z ayol qalbini vayron qilib tashlashi hech gap emas. Albatta ayol indamaydi, chidaydi, sabr qiladi, lekin yillar o'tib ko'zlari muhabbatga to'lib baxtidan quvonib yashayotgan ayol, asta-sekin ko'ngli zarba va alamlarga to'lib ketgan nigohi so'ngan ayolga aylanib borishi yonidagi turmush o'rtog'ini ajablantiradi.

Erkak tushunmaydi, "bolalari sog'-salomat", "oila but", "hamma narsa yetarli", lekin ayoli so'ngan, arzimagan narsaga asabiylashgan, er-xotin orasida sovuqchilik o'sib bormoqda. Erkakni jahli chiqishi tabiiy, axir shuncha yil birga bo'lib, birga farzandlar katta qilib, shuncha to'sqinliklardan o'tishsa-yu, endi rohatini ko'rish vaqti kelganda er-xotin munosabatlari yaxshi emas, ayol esa bu munosabatlarda baxtsizdek tuyuladi. Nega???

Ayolni ko'ngli nozik. Bir marta ayolni qalbini og'ritsa, unga esdan chiqazish qiyin. Hayot davomida esa ayol erining bir qator zarbalariga (xiyonat, qo'pollik, bo'shlik, sovuqqonlik va hokazo) bardosh berib yashab kelayotgan bo'lsa, uning qabi juda zaiflashgan bo'ladi. Alam va aytilmagan so'zlarga to'lib ketgan ko'ngilga ega bo'lgan ayolni baxtli qilish endi juda qiyin bo'ladi, juda kech.

Erkak butun umri davomida ayolini ko'nglini sindirmasligiga harakat qlishi kerak. Erkak adashib xiyonat qilib qo'yadi, bu yo'ldan oilasiga qaytadi, ayoli kechiradi, lekin ayol ko'ngli shu payt qanchalik og'ir lat yeganini faqat uning o'zi biladi. Yillar o'tib u xiyonat erkakni esida ham bo'lmas, lekin ayol sinib bo'lgan, endi u eriga hech qachon oldingi muhabbatga to'la ko'zlari bilan qaray olmaydi. Harakat qiladi lekin alami juda katta.

Yoki masalan, eri-xotin orasiga qaynona aralashib uyda katta janjallar bo'lgan. Erkak bo'shlik qilib muammoni hal qilishga qodir bo'lmagan. Farzand deb, o'zbekchilik deb oila yarashib yana birga yashaydi, lekin ayol eridan qattiq ranjiydi. Yillar o'tadi, ayol kuladi, lekin ich-ichida yuragini tubida o'sha alam doim yuzaga chiqib turadi.

Bunday misollar juda ko'p. Afsuski, erkaklar bir ojizlik qilib keyin yoshi o'tganda ayolining qo'polligidan, sovuqqonligidan, farzandlarining hurmatsizligidan azoblanadi.

Bo'shlik qilmangiz. Ayol yonida kuchli erkak borligini his qilsin. Qaynona-kelin mojarosida kerak bo'lganda ayolini yonini olish, farzandingiz maktabida muammolar bo'lsa, borib o'qituvchi bilan gaplashib kelish, qo'shni farzandi bilan o'g'lingiz urushgan bo'lsa, uning ota-onasi bilan gaplashish shu kabi masalalarda ba'zida erkakning obro'si va hurmati kerak bo'ladi. Ayol boshi bilan bu masalalarni hal qilishi mumkin, lekin birinchidan, erkakning gapiga boshqacha qaraladi, ikkinchidan, ayol ham o'zini himoyalanganini his etishi darkor. Siz bo'shlik qilasiz, ayol hammasini balki hal qilar, lekin sizdan ranjiydi...shunisi achinarli, ayolni ranjitmang.

Erkaklar, ayol ko'nglini olinglar. Oilada hammasi yaxshi bo'lgan taqidrda ham ayolga shirin so'z va e'tiboringiz juda kerak. Kun davomidagi sog'inchli qo'ng'iroq qilishingiz, ba'zida bo'lsa ham sovg'a olib kelishingiz, faqat tunda emas, balki kun mobaynida ham erkalab turishingiz ayolingiz uchun juda muhimligini unutmang.

Orada xafagarchilik yuz bersa, albatta bu haqda gaplashib kechirim so'rashni biling. Ayol indamayati, demak hammasi o'tib ketdi deb o'ylamang. Ayol tili bilan indamaydi, lekin dili bu haqda baqirayotgan bo'ladi. Sizning kechirim so'rashingiz, kechirishi uchun harakat qilishingiz qalbidagi yaralarni yo'q bo'lishiga yordam beradi.

Axir siz ayolingizga qancha ko'p mehr, shirin so'z, e'tibor bersangiz sizdan kamaymayi. Aksincha, evazida yillar o'tganda yoningizda sizga mehr va minnatdorchilikka to'la kozlari bilan qarab turadigan ayolni ko'rish nasib etadi.

Erkak uchun eng muhimi - ayol ko'zlarida tushib ketmaslik, o'z hurmatini yo'qotmaslik. Bunga esa faqatgina mehr va e'tiboringiz bilan erisha olasiz. Qo'pollik va qattiq qo'llik bilan emas.



Afsuski, ba'zi erkaklarning fikricha, ayoliga ko'proq e'tibor berish bo'shlik alomatidir. Yo'q, aksincha, faqatgina "kuchli" (ruhan) erkak ayolini erka qila oladi. U ayoli boshiga chiqib olishidan qo'rqmaydi, u kuchli va o'ziga ishongan.

Siz ham shundaymisiz?

TELEGRAM

Buni ham o'qib ko'ring

Suhbatimizga qo'shiling!

    • ☆ZIZI☆'s Avatar
    • Bolangizni qanday uxlatasiz?
    • salom Mavluda yaqinda bowimdan otdi wu holat. balnitsaga yotiwim tufayli qizimni men xam issiqda ajratdim. bowida ozgina qiynaldi. kechasi xarkuni yiglab turardi. qaynagan suv berardik. asta asta yiglawi kamaydi. lekin juda qiynaldik. kechalari turib olib uxlamay injiqlik qilardi. yiglab yiglab kachelyasida otirub uxlardi. Hudoga wukr hozir ancha organdi. kechalari tinch uxlayapti.Shaxzodaxon ham Hudo hohlasa organib ketadilar. faqat sabr qiliw kerak ekan. meni xam qaynonam uruwgandilar. issiq da ajratyapsan deb.
    • ☆ZIZI☆
    • uzbaby's Avatar
    • Sayt kamchilik va xatolari
    • Qizlarjon tahrir tugmasi tufayli ba'zi texnik nosozliklar paydo bo'lyapti. Ularni bartaraf etishimiz bilan yana yoqiladi.
    • uzbaby
    • Pazandaxon's Avatar
    • Tortlar
    • Zavarnoy pishiriq (ekler) Masalliqlar: 1,5 piyola suv 250 gr margarin 1piyola un 7 dona tuxum Krem uchun: 1,5 piyola sut 1piyola shakar 2 katta qoshiq un 200 gr saryog' Tayyorlash: Suv va margarinni gazda qaynatib olamiz. Gazdan olib un qo'shib qoshiqda tez-tez aralashtiramiz. Sal sovugach tuxumni 1talab qo'shib yaxshilab aralashtiramiz. Tayyor massani yog'langan listga 1 qoshiqdan solib chiqamiz. 180 gradusda 40 daqiqa davomida pishirib olamiz. Krem tayyorlash: Sut, shakarni gazda aralashtiramiz va un qo'shamiz. Xona haroratida yumshagan saryoqqa sutli massani qo''shib mikserda...
    • Pazandaxon
    • OYISHA NUR's Avatar
    • Pishiriqlar
    • rahmat uni uchun ko'pkina hamir qilishim kergda
    • OYISHA NUR

Davomi »

loading...