Saytda nima bo'lsin?

:dugona$ endi qaravarila maqolaga izoh qoldirish mumkin bo'ldimi?
To'g'irlandi. Faqat sizlar tekshirib aytishingiz kerak. :rah#

Oymomo aslida bu wal versiyamasu lekin biroz qulayroq variant....albatta wap versiya bulsa undanda yaxshi bulardiyu....buladi u ham hudo hohlasa

salom
Istak siz izohlaringiz bilan odamni uyaltirasiz. O'zbek tili bunchalik go'zal deb yig'lagim keladi. Yig'lagim...chunki o'zim uni sizchalik bilmayman....lekin shuni harakatidaman...hech qachon kech bo'lmaydi...Forumimizni boyitib turganingiz uchun sizga RAHMAT!

Taklifingizga kelsak, uni o'qiganimga deyarli 4 soat o'tdi...qanday javob yozsam....birovni hafa qilib qo'ymay...birovga hurmatsizlik ko'rsatmay...birovni ranjitmay qanday javob yozsam ekan....shu o'ylar bilan vaqtni cho'zib yurdim.

Ohiri mana kompyuter oldidaman...

Diniy mavzularni cheklash borasida:
Forumimiz mana 6 yildan beri internetda aktib bo'lib kelmoqda. Saytimiz chaqaloqligida to'g'risini aytsam o'zim bilan o'zim forumda gaplashib o'tirar edim. Sekin sekin qizlar paydo bo'la boshlagan. O'sha payt deyarli har bir qizning oilaviy sharoitini, o'zini, xarakterini oz bo'lsa ham bilar edim. Har kuni kirib bemalol yangi 5-6 ta dona izohlarni bemalol tekshirib chiqar edim. U payt bunday keskin cheklov ham yo'q edi. O'sha payt saytimda bo'lgan qizlar buni tasdiqlashlari mumkin.
Vaqt o'tib saytimiz oldiga qo'ygan maqsadiga erisha boshladi. Ya'ni Forumda qizlar ko'paydi, forumda maslahat olish, yordam so'rash, dardlashish imkoniyati paydo bo'ldi. Oldin bir savol bilan forumga murojaat qilsangiz javobni 1 oy kutish kerak edi bo'lsa, hozir yarim soat o'tmay savolimizga javob olamiz. Aynan o'zbek tilida suhbatlashadigan qizlarni bir joyga yig'ish mening maqsadim edi. Shunga erishdik hudoga shkur. Hozir kuniga 4000 dan ortiq foydalanuvchi saytimizga kirib chiqadi va oz bo'lsa ham yordam olib ketadi degan umiddaman.
Bu albatta juda katta xursandchilik...lekin ikkinchi tomondan kundan kunga oshib borayotgan ma'suliyat ham bo'ldi. Endi Forumni izohlarini birma bir tekshirish imkoniyati esa kundan kunga pasayib ketvatti.
Qancha harakat qilsam ham, vaqtimni ayamasam ham lekin o'zingiz ham tushunasiz har bir izohni tekshirish juda qiyin. Yaxshiyamki Oymomo va Niratsan menga beminnat bu borada o'z yordamlarini ayamaydilar. Lekin ulardan ham bundan ortig'ini talab ham iltimos ham qila olmayman. Haqqim yo'q.

Demakki, siz ta'kidlagan ana o'sha NAZORAT mening imkoniyatimda emas. Diniy mavzularni yomon demayman. Hatto saytimizdagi Mesoo va Solihani aynan diniy izohlari uchun juda hurmat qilaman va ularni saytimizda bo'lishlarini juda hoxlayman. Lekin ular kabi haqiqiy ilmli insonlar juda kam. Sanoqlidir.
et betda eshitib qolgan, bir joydan ko'chirib olgan diniy izohlarni Forumda bo'lishi forum qoidalariga zid keladi. To'g'ri biz musulmonmiz...oddiy bola tug'ilishini ham hudo hohlasa deb aytamiz. Lekin din har bir insonning qalbida bor. Uning darajasi har xil. saytda uni hammaga namoyon qilish shart emas deb bilaman. Agar biron yordam kerak bo'lsa albatta mesoo singari ajoyib maslahatlarni berishganda hech qachon bu izohni o'chirmaganman...lekin o'zidan o'zi diniy imzo qo'yish, diniy mavzularda suhbat qurishni man qilaman. Saytimiz diniy sayt emas. Saytimiz yosh onalar va bo'lajak onalar sayti. Hayotda ro'mol o'rganmizmi, 5 vaqt nomoz o'qiymizmi yoki kalta yubkada yuramizmi baribib biz ayolmiz va onamiz. Baribir bizni ovulyasiya, to'lg'oq yoki hiyonat kabi mavzular o'ylantiradi. aynan shu o'ylaga javob olishda saytimiz yordam berishi bizning maqsadimiz.
Ayol va ona dinga aloqasidan qat'iy nazar ayol va ona bo'lib qolaveradi.

Dindor qizlarimizdan ming bor uzr so'rab yana bir bora ta'kidlayman saytda diniy MAVZUlarni ochish va diniy mavzularda suhbatlashish ta'qiqlanadi.

Buni musulmonchilik deganingiz bilan adashtirmang. Forumni birma bir o'qib ko'rib chiqsangiz ko'plab diniy izohlar mavjud. Ular ma'lum bir tibbiy muammoga yoki ma'lum bir hayotiy muammoga nisbatan aytilgan izohlardir. Ularni ko'rsangiz o'chirib tashlamaganman.
Lekin o'z diniy qarashlari bilan diniy ilmlarini ro'koch qilayotganlarni Forumda qabul qila olmaymiz ...ming bor uzr ...bu Forum qoidasi.

Nazoratni 100% amalga oshirish uchun menga kamida 6 ta yordamchi kerak. 6 ta yordamchi beminnat yordamini ololmayman. Ularga haq to'lash uchun imkoniyatim bo'lishi kerak. Shunday kunlar kelganda balki taqiqlarimiz kamayadi chunki nazorat qo'limizda bo'la oladi.
Shundoq ham men Oymomo va Nastaringa juda minnatdorman. Qo'limdan kelgancha ularni ba'zi-ba'zida bo'lsa rag'batlantirish niyatida yuraman. Undan tashqari Qizaloq, Zaychik, Hiona kabi foydalanuvchilarimiz ham men uchun qadrli bo'lib qoladilar. Aynan shu qizlar man Forumda o'zim bilan o'zim gaplashib o'tiganimda menga sherik bo'lishgan. Shu qizlar umrbod saytim uchun eng aziz insonlar bo'lib qoladi.

Saytimizda reklama qo'yish uchun ko'plab firmala murojaat qiladilar. Lekin saytimiz yuridik shaxs bo'lmagani uchun hisob raqamimiz yo'qligi uchun reklamaga pul o'tkaza olmaydilar. Shu ba'zida paydo bo'ladigan homiylar o'z sovg'alari bilan konkurslarimizda ishtirok etadilar xolos. Ularning barcha sovg'alari faqat foydalanuvchilarimiz uchun mo'ljallangan. Yaqinda paydo bo'lgan margarin reklamasining puli Mening BLOGim ajoyib konkursidagi sovg'alarni pochta orqali yuborish uchun hammasi sarflanib ketadi.
Shu paytgacha bo'lgan konkurslar, homiylar barchasi foydalanuvchilarimiz uchun mo'ljallangan. Kelajakda katta homiylar bo'lsa ham ularning homiyligi foydalanuvchilarga, saytning texnik rivojiga va hayriyaga yo'naltiriladi. O'tgan yili bir konkursda saytimiz yutib olgan g'oliblik qiymatining yarmi hayriyaga ketgan bo'lsa, yarmi foydalanuvchilar uchun 2015 yildagi konkursga sovg'alarga ajratilib qo'yildi.

Bu saytni tashkil etishdan hech qachon maqsad pul ko'rish bo'lmagan. O'zim bir paytlar muhtoj bo'lgan ma'lumotga boshqalar muhtoj bo'lmasligini oz bo'lsada ta'monlash bo'lgan.
Shunday ekan saytimiz va forumimizdagi arzimagan 1-2 qonun qoidaga rioya qilish foydalanuvchi uchun qiyin narsa bo'lmasa kerak.

Sirli bo'lim borasida:

Sirli bo'limga 500 izoh talab etilishning maqsadi qizlarni qiynash emas. Sirli bo'limni hoziroq hamma ochib qo'yar edim. U yerda o'zingiz bilasiz ba'zi qizlarimiz juda ayanchli voqealarni aytib dardlashadilar. Birozga aytib bo'lmas sirlar bilan bo'lishadilar. Bu bo'lim aslida har bir yangi foydalanuvchi uchun ochiq bo'lishi kerak deb o'ylayman. LEKIN...yangi foydalanuvchi ayol ekanligini qaerdan bilay??? shunda menga oldin 300 izoh yordam berar edi. U foydalanuvchining har bir izohni o'qib tanishib kerak bo'lsa telefonlashar edim ham. Hozir odam juda ko'p. Har bir foydalanuvchining izohini o'qishning jismoniy imkoniyati yo'q. Shuning uchun 500 qilganman. Maqsad...biron erkak sirli bo'limga kirish niyatida bo'lsa shu 500 izoh qoldirish borasida qiynalsin. Undan keyin menga shaxsiy xabar orqali sirli bo'liumga kirishni so'rashganda qizlarni yana bir necha bor qayta qayta tekshiraman...ulardan uzrlar so'ragan holda. Ba'zilar bunga hafa bo'ladilar...ularga ishonmayamman deb o'ylaydilar...lekin ilojim qancha...sirli bo'limni erkaklardan birgina o'zim himoya qilishim kerak. U yerdagi qizlarimiz dardlarini ustidan bir erkak kirib kulishini men oldini olishim kerak. Buning birgina yo'li hozircha shu...

Qizlarni qiynab savodsiz yozsanglar forumga kirasizlar deyishim noo'rin. Hamma har xil, birimiz savodli birimiz savodsiz, lekin har birimiz ona va ayolmiz.

Albatta ularni to'g'irlash kerak SH harfini o'rniga W yozilganda yig'lagim keladi. Lekin bu bilan o'sha foydalanuvchini haydab yubora olmayman.

Ularni Oymomo ko'p to'g'irlab qo'yadilar. Rahmat sizga Oymomo. Lekin ular ham ilojlari qancha.
Man tekinga moderatorlarni qiynay olmayman. Shunchalik yordam berishayotganining o'zi man uchun juda qiyin holat. Ularga cheksiz minnatdorman.

Sizning taklifingizdan lekin hayolimga bu borada boshqa bir fikr keldi. Savodlik bo'yicha bir konkurs e'lon qilamn. Uning shartlarini taklif qilsangiz nihoyatda minnatdor bo'lar edim. Birgalashib bu muammoni hal qilishga yondashar edik. ayniqsa chet eldagi o'zbek oilalari uchun bu juda kerakli va dolzarb masala. siz bilan bu borada hamfikrman.

Lekin srili bo'lim orqali emas, balki biron konkurs orqali shuni amalga oshirsak juda chiroyli ish bo'lar edi,

Izohlarim bilan hech kimni hafa qilib qo'ymadim degan umiddaman. Saytdagi har bir harakatim har bir izohim har bir qadamim foydalanuvchilar uchun. Xatolarimizni aytib tursangizlar biz yanada rivojlanamiz. Oz bo'lsada yordachilarimiz bor. Bir o'zim emasman. Lekin asosiy texnik ish mening qo'limda. Shuning uchun albatta xatolarga yo'l qo'yaman. Shuning uchun shunday taklif va asoslangan fikrlaringizni ayamay yozayotganingiz uchun barchaga o'z minnatdorchiligimni bildiraman.

O'ylaymanki yildan yilga saytimiz yarim pog'onaga bo'lsa ham yuqoriga ko'tarilaversa kelajakda u o'z maqsadiga to'liq erisha olgan bo'ladi.

Yana bir narsa qo'shib qo'yaman aynan diniy yordamga muhtoj bo'lsak boshqa saytlarga murojaat qilganimiz ma'qul. Haqiqatan yordam bo'ladi. bizning saytda boshqa yordam olishadi degan umiddaman.

Bu masalani faqat siz bilan bunday uzoq muhokama qildim. O'yaymanki bu oxirgi marta mening bu borada bunday uzoq javob yozishim.

Barcha foydalanuvchilarga yana bir bora ta'kidlayman: FORUM qoidalariga asoslangan holda saytda diniy mavzularda suhbatlashish qat'iyan man etiladi. BAN qilinish uchun eng birinchi asos FORUM qoidalariga amal qilmaslik.