She'riyatga oshno qalblar

Sochlarin turmaklari,
Yarashganini qarang.
O'ziga ko'ylaklari,
Yarashganini qarang.

Qarang qanday qomati,
Balki shudir omadi,
Siyratiga surati,
Yarashganini qarang.

Yuragim yonar cho'g'day,
Uning bahosi yo'qday,
Nigohlar tiyra o'qday,
Yarashganini qarang.

Termulib turishlari,
Hattoki yurishlari,
Betakror kulishlari,
Yarashganini qarang.

Ko'rmaganman bunday qiz,
Qo'llarim yetmas yulduz,
Lablar chizilgan tengsiz,
Yarashganini qarang.

Gapirganda so'zlari,
Yonib turar ko'zlari,
Ibo bilan nozlari,
Yarashganiga qarang.

Bir ko'rib bo'ldi sarmast,
Devona oshiq Ahad,
U, mening bilan faqat,
Yarashganini qarang.

MENI JANNATLARGA YETAKLANG BEGIM!

Meni jannatlarga yetaklang begim,
Baxtimdan lol qolsin hatto hurlar ham
Ikki dunyo seving o'ksitmang ko'nglim
Taxsin aytsin hatto farishtalar ham!
Meni jannatlarga yetaklang begim
Namozim bo'lmasin dunyo deb qazo
O'rgating Qur'onni qabrim nurlansin
Toki jahannamda olmayin jazo
Menga jannatlarni anglating begim
Neki bo'lasa yengaylik birga
Tik qotmasin hech, egilsin jismim
Sajdada turaylik doimo birga
Meni jahannamdan asrang sultonim
Toki qovurilmasin o'tdda bu tanim
Alloh uchun sevaylik bir birimizni
Bizni Alloh suysin shu meni baxtim
Meni jannatda ham alishmang aslo
Hech qanday hurliqo go'zal hurlarga
Aslida men sizni alishmam aslo
O'tkinchi hislaru dur-u zarlarga
Bizga jannatda ham tole yor bo'lsin
Qolsin ortimizdan solih farzandlar
O'rgating ularga namoz Qur'onni
Ohirat rahmati axir dilbandlar
Meni jannatlarga yetkalab boring
Aslo bilmay o'tay ayriliq hissin
BEGIM ikki dunyo men bilan qoling
Oxiratda qalbim siz bn tinsin!!

Ajoyib sher uchun :rah# Mohi judayam chiroyli sher ekan

Zahroxon wrote: Ajoyib sher uchun :rah# Mohi judayam chiroyli sher ekan

Rahmat! men o'zim ham shu she'rni rossayam yoqtiraman

Ustozim deganing sherfurush chiqsa,
Suyganim deganing erfurush chiqsa,
Podshohim deganing elfurush chiqsa,
Chidagin bolam-a, chidagin,
Dardlaring taningga joylansin.
Chidagin bolam-a, chidagin
Oxlaring qo'shiqqa aylansin!

Chin qolib yolg'onlar topsa marhamat,
Yaxshimas yomonlar topsa marhamat,
Aldamchi zamonlar topsa marhamat,
Chidagin bolam-a, chidagin,
Dardlaring taningga joylansin.
Chidagin bolam-a, chidagin
Oxlaring qo'shiqqa aylansin!

Amir o'g'ri bo'lsa, qozi riyokor,
Vazir shuhratparast, o'g'ri ziyokor,
Va ular xalqingdan kulsalar beor,
Chidagin bolam-a, chidagin,
Dardlaring taningga joylansin.
Chidagin bolam-a, chidagin
Oxlaring qo'shiqqa aylansin!

Donolar qorani oppoq desalar,
Shoirlar haromni shu pok desalar,
Qo'rqsalar, dushmanni o'rtoq desalar,
Chidagin bolam-a, chidagin,
Dardlaring taningga joylansin.
Chidagin bolam-a, chidagin
Oxlaring qo'shiqqa aylansin!

Maysaga ezmayman deb ayttim,
Daraxtga kesmayman deb ayttim.
tuprog'imga sen deb o'lsam,
Og'riqni sezmayman deb ayttim.

Qushlarga otmayman deb ayttim,
Yerimga sotmayman deb ayttim.
xaqni aytsam ,xaqni aytsam o'tta kuymayman,
Suvlarga botmayman deb aytim.

Tog'ustiga chiqdim maston,
Ko'z oldimda O'zbekiston.
yig'layverdim-yig'layverdim,
Dedim,Iloyim bo'l omon.

Ko'z yoshga arzir sen dedim,
Quvonchga arzir sen dedim.
Bu boshim dunyoga arzir,
Shu boshga arzir sen dedim.

Qo'shig'im tarzi sen dedim,
Yuragim mag'zi sen dedim.
Otamdan meros qolgansan,
Onamdan qarzim sen dedim.
Yig'layverdim-yig'layverdim,
Dedim,Iloyim bo'l omon.

farida :rah# ajoyib sherlar uchun ilk eshtiganimdan rossa yeg'lahgandim ^yiglash ^yiglash ^yiglash hozir ham ko'zimga yosh keldi :blush:

dilnoza sultonova wrote: farida :rah# ajoyib sherlar uchun ilk eshtiganimdan rossa yeg'lahgandim ^yiglash ^yiglash ^yiglash hozir ham ko'zimga yosh keldi :blush:

Gumrohlar kinoasida shu she'rlarni aytgan ekan.Menga ham yoqqanligi uchun shu yerga yozdim mult: .Haqiqatdan yig'latadigan she'r ekan. kozyosh

Соғинч нима, билай десангиз,
Қалб тубини кўрай десангиз.
Қишдан ёзни сўрай десангиз,
Бир мусофир бўлиб кўринг сиз.

Юртнинг кадрин улардан
сўранг,
Ишкнинг дардин улардан
сўранг.
Такдир зарбин улардан
сўранг,
Бир мусофир бўлиб кўринг сиз.

Кечалари уйкуси кочар,
Хаёлидан не ўйлар кечар.
Тушларида юртига учар,
Бир мусофир бўлиб кўринг
сиз.

Тоби кочиб, ётар гохида,
Ким сўрайди, холин, ё худо.
Ширин жондан килмагин
жудо,
Бир мусофир бўлиб кўринг
сиз.

Боласини туш кўрар,
бирок,
Онажонин кўролмас, узок.
Мусофирлик оёкка тузок,
Бир мусофир бўлиб кўринг сиз.

Уйин эслаб кўнгли бузилар,
Кўзларидан ёшлар тизилар.
Бутун юрак-бағри эзилар,
Бир мусофир бўлиб кўринг сиз.

Мусофиринг асра худойим,
Омон-эсон кайтсин илойим.
Кабул айла бу илтижойим,
Адашмасин, йўлидан доим.

Амрикодан уйланаман (хазил)

Айланаман, шаркни кезиб айланаман,
Иболи бир ёр тополмай кийналаман.
М.Юсуф

Онам углим уйлан деса нолиб келдим,
Иболи киз шаркда йук – деб голиб келдим,
Кимни айтса айбин топиб тониб келдим,
Дедим – Бориб Амрикодан уйланаман.

Юз угирдим нигохларин саволига,
Бир бокмадим паридайин рухсорига,
Колдим узбек сулувларин уволига,
Ёдга тушса багрим куйиб, уртанаман.

Амриконинг гузаллари олдин дедим,
Блондинка, куриб севиб колдим дедим,
Мошин хайдар…, етишмасам улдим дедим,
Эрта туриб Амрикога шайланаман.

Келсам тикка, ола-була кокиллари,
Кийимига боксам дунё охирлари,
Ун туртида “васлин” кучар “Тохирлари”
Деворларга бошим уриб ингланаман.

Беш йил излаб охир топдим энг зурини,
Бердим сенга жоним – дедим – калб курини,
Кандай ювай пешонамнинг шур-шурини,
Килмишимдан хуноб булиб кийналаман.

Чукиб кетди юрагимнинг коялари,
Боласини катта килар доялари,
Мендан устун турар ёрнинг соялари,
Узим тиниб, узим яна лойланаман.

“Онанг..” дегин остонагда миршаб кутар,
Бир мушт урсанг камогида кунинг битар,
Ажрашолсанг тулов тулаб умринг утар,
Вох тилгинам куйди-я, деб войланаман.

Онажоним, калбим вайрон, кузим хайрон,
Гунохимдан кечарми у кунгли уммон,
Боргунимча бир киз топинг жон онажон,
Узбек кизин кузга суриб уйланаман.

——————————————————————————–

ЎРТОҚ ЎЗБЕКФИЛЬМ!
(М.Юсуфга ўхшатма)

Ўртоқ “Ўзбекфильм”, қумсайди кўнгил,
Шунча йил мизғидинг, уйғонгил энди.
Ҳозирги фильмлар жудаям енгил,
Бошингни кўтар-ей, тўлғонгил энди.

Ҳозирги фильмлар вазни пар, енгил,
Туғилиб, уч кунда ўлаверади.
Яна “Ёр-ёрлар”га тортади кўнгил,
“Суюнчи”ни кўргим келаверади.

“Севгинаторлар”му ишқ тарбияси,
Чорлар нурсизликнинг дастурхонига.
“Суперкелинчак”нинг бўш савияси
Тортмайди “Келинлар қўзғолони”га.

Ногоҳ "Улфат"ларга тушади кўзим,
Озгина ҳазилдан сўйлар лофчилар.
Эшик таққиласа, қарайсиз, у ким?
Бари “Замонавий янги совчилар”...

Бу бир парча саҳна, фильмлар эмас,
Бошланса, ўрнимдан тургим келади.
Тўғриси, қандайдир “Бўрилар”нимас,
“Тўйлар муборак”ни кўргим келади.

Раззоқ Ҳамроларни қумсайди кўнгил,
Наби Раҳимларга тортар ҳуморлар.
Эргаш Каримлардан бир қатра шингил,
Наҳот қайтмас энди Ҳамза Умарлар?!

Ўртоқ “Ўзбекфильм”, бермайсан жавоб,
Ўзингга топдингму ҳар хил “паноҳлар”,
Оинаи жаҳонга термулиш азоб,
Чарчатиб қўймоқда бир хил нигоҳлар!

Маънисиз оламда кўзларим толди,
Оқмай қўйдилар-ей дил жолалар ҳам.
"Тангалик болалар" ўтмишда қолди,
Қайта туғилмайди “шум болалар” ҳам.

Айтақол, қайлардан бу қадар зулминг,
Бориб-бориб сандан охир кечгумдир.
Бугун ишлаётган жуда кўп фильминг
Номига яраша “жаноб ҳеч кимдир”.

Гоҳида чинқирсам аччиқ аламдан,
Гоҳ кулгим қистайди гиналарингга.
Қочгим келмоқдадир рангли оламдан
Оқ-қора тасвирли киноларингга!
muallif x. hamidov

SEVING SIZNI SEVGAN AYOLINGIZNI!!!
Turfa jilo bn misoli tovus.
Go‘zallar olsa ham hayolingizni.
Bedor tong otguncha kutguchi hanuz.
Seving sizni sevgan ayolingizni.

Siz desa tilidan sachrab tursa bol.
Yashirib yaxshi yu yomoningizni.
Og‘ziga bir luqma solmagan siz siz.
Seving sizni sevgan ayolingizni.

Tuting yelkangizni aziz boshiga.
Unga panoh qilib yaratgan sizni.
Dunyolarni to‘kmang uning qoshiga.
Seving sizni sevgan ayolingizni.

Ming bitta zaxarni yutib siz uchun.
Jim kutib bir shirin kalomingizni.
Keling o‘dha tog‘day g‘ururni egib seving sizni sevgan ayolingizni...

Oysha Nur opa juda zo‘r sher bo‘libdida gap yo‘q. malatsi.

So‘qmoqlar eskirdi o‘zgardi bog‘lar.
Kukoqqa chalinar kuylar ham yangi.
Biraq muhabbatning yuzida dog‘lar.
Biroq artilmagan xatlarning changi.

Har baxor olamda turfa o‘zgarish.
"Tug‘ular o‘zgarar keksayar" - derlar.
Faqat Muxabbatning ranglari sarg‘ish
Faqat keksayishni bilmaydi sherlar.

Hanuz isxorini kutayotgan ishq
Tunlar yug‘lab chiqar Sevgi qarri qiz.
Bo‘gizda aylanar faqat bir qo‘shiq.
"Men sizni..." Siz esa ... siz-chi?! siz?!

Bu baxor ham o‘tar gullamayotir
Bog‘larda ishq degan tanho bir daraxt.
Ko‘ksini hijron qush cho‘qilayotir.
Kismatidan lol vujudi karaxt.
U gullamaydi....
O‘zgardi bog‘lar

SOVCHILAR
Ichimdan nimadir uzulib ketti
Shirin hayollarim buzulib ketti.
Bu kecha tong otmay cho‘zilib ketti.
Boshim bog‘lab ketmish kelgan sovchilar.
Sevishimni senga ayta olmadim.
Ammo bu yo‘limdan qayta olmadim.
Mavridi kelar deb paytin poyladim
Kalbim dog‘lab ketmish kelgan sovchilar.
Shashtim past ko‘zimda aylanar yoshim.
Sezdirmay deymanu yetmas bardoshim.
Vujudim zirqirar egilgan boshim.
Yurakka tig‘ sanchmish kelgan sovchilar.
Endi seni o‘zga oshyoning kutar.
Baxtli yoring shodon qo‘lingdan tutar.
Balki mening umrim armonda o‘tar.
Orzularim chil chil etmish sovchilar.
Endi kech ollohdan baxt tilay senga .
Sog‘ina sog‘ina taxt tilay senga
...Yaratgan qanoat oto et menga
Yurakka g‘ul g‘ula bitmish sovchilar.

Marsiya

Muhammad Yusuf…
Muhammad Yusuf…
Labimda qoldi
Taronam mening.
Havoda qoldi
Qo‘lim gul uzib.
Endi kerakmas
Bahonam mening.

Bunchalar qalin
Dunyoning po‘sti.
Bug‘doyday hoksor
Bir shoir o‘sdi.
Nogoh bir xabar
Tongimni to‘sdi.
Titradi olam,
Yig‘ladi onam:
— Bolamning do‘sti…
— Bolamning do‘sti…

Senmi, she’riyat,
Senmi jon qadar.
Dildagi so‘ngi
Tomchi qon qadar.
Tuproqday aziz
Ham osmon qadar.
Ko‘kni o‘sha kun
Qaldirg‘och bosdi
Xorazmdan to
Andijon qadar.

Hayot – goh bir baxt,
Bir omadgacha.
Yo mingta nomard
Yo bir mardgacha.
Toshkentdan toki
Marhamatgacha,
Keta ketguncha,
Qiyomatgacha –
Teraklar, tollar
Qoldi bo‘y cho‘zib,
Muhammad Yusuf…
Muhammad Yusuf…

Kuylari qoldi
Tog‘u toshida,
O’ylari qoldi
Oy – quyoshida,
Buloq boshida,
Xirmon boshida,
O’zbekning qora
Ko‘zu qoshida.
Bir shoir ketdi,
Bir shoir o‘tdi
Bobur yoshida,
Bobur yoshida.

Ey bulbullarga
Kuy-g‘azal, Vatan.
Sen – abad Vatan,
Sen – azal Vatan.
Kim sendan yuldi,
Kim – o‘sal, Vatan.
Gul, asal Vatan,
Sen yuksal, Vatan,
Sen yuksal, Vatan,
O’yladi bolang,
Kuyladi bolang,
Ey, go‘zal Vatan!
Ey, go‘zal Vatan!

Biz uni – yoshu –
Tuproqqa qo‘ydik.
Tuproqni qoshu
Qaboqqa qo‘ydik.
Tushmi, deb avval
Ro‘yoga yo‘ydik.
O’zi suygan shu
Tuproqqa qo‘ydik
So‘ngi sabr bu,
So‘ngi safar bu –
Ko‘proqqa qo‘ydik,
Ko‘proqqa qo‘ydik.

Chirqirab qo‘nmay
Makonlariga –
Otadin yodgor
Ayvonlariga
Singillari ham
Rayhonlariga.
Armonlariga,
Hijronlariga –
Qo‘shib jo‘natdi
Ruh, jonlariga.
Olib ketdilar
Qaldirg‘ochlari
Osmonlariga,
Osmonlariga.

Aylanar charxning
Charxpalaklari
Almashib rangu
Kamalaklari.
Qoldi ona uy
Sumalaklari,
Majnuntollarning
Jamalaklari.
Nozima qoldi,
Madina qoldi –
Kapalaklari,
Handalaklari.

Do‘stu yor yo‘li
Doim yirog‘dir.
Gohi diydoru
Gohi firog‘dir.
Dilbandlariga
Vatan qarog‘dir.
Chin farzandlar ham
O’chmas chirog‘dir.
Hozir ham balki
Jim o‘ylayotir.
Yurtiga sha’nu
Shavkatlar yog‘dir,
Yo, qodir Olloh,
Tuproqlariga
Rahmatlar yog‘dir,
Rahmatlar yog‘dir.

Muhammad Yusuf…
Muhammad Yusuf…

2001, avgust. Sirojiddin Sayyid.

Эру хотин аразлашдик,
Навбатдаги ади-бади.
Сувга бўккан "дока рўмол "
— Уч кундаям қуримади.

Гапирмайсиз, ёзилмайсиз,
Гарчи "дук-дук " юрак урар.
Тунда, ҳатто, ётоқдаям —
Ўртада бир "девор " турар

Бир деворки, қалин, баланд,
Қуш ҳам учиб ўтмас, тайин.
Гўё уни қуриб кетган
Искандар-ул Зулқарнайн.

Бир деворки ўргимчактўр,
Нафис, нозик тузилади.
Қайсар ғурур бўлмаса-ю
«Пуф» деб қўйсанг бузилади.

Дейишади: араз уч кун.
Учинчи кун келди, мана.
Ярашишим керак бугун,
Уришмаям қолайин-а!

Ўзи нега тортишдим ман?
Ҳеч қачон ҳақ бўлармидим?!
Мана, қанча дилхиралик,
"Хўп " деб қўйсам ўлармидим ?!

Гўё олтин қўрғон сизу
Дорвозангиз тақатақ берк
"Калитингиз " ўттиз икки —
Соқчи пойлаб туради тек.

Эьлон қилдим кўнглингизга —
Ишқ-муҳаббат "урушини"
Бошлавордим Искандарнинг
Буюк ҳарбий "юришини".

Ололмаган қўрғоним — Сиз,
Мен-чи мағлуб, хор Саркарда,
Тонгда қўшин тўплаб бориб,
Шом бўламан пароканда.

Қўшинларим — назокатим,
Ишва, жилва, латофатим,
Афсус, улар сонидан кўп,
Жангда кўрган талофатим.

Қошларимни камон қилсам,
Нигоҳим — зарб бўлармикин ?
Сочларимнинг мушк-ўқидин
Шу қўрғон забт бўлармикин ?

Қўллаб кўрдим юз хил усул,
Сарҳадидан ўтолмадим.
Пойтахтига муҳаббатнинг —
Байроғини тиколмадим.

Деворингиз метин экан,
Замбараклар топсаммикин ?
Соқчиларин ғурур деган,
Қилич билан чопсаммикин?

Тугамас бу маҳораба,
"Ё ўлиш, ё қолиш " керак,
Жон кетса ҳам, шу қўрғонни,
Олиш керак, олиш керак!

Агар олсам шу қўрғонни,
Жангда ғолиб келар эдим.
Ўз-ўзимга генераллик,
Унвонини берар эдим.

Ҳар лаҳзада минг бор юрак,
Майдонлари қонланади,
Энди менга макру ҳийла,
Аскар бўлиб "ёлланади".

Туфлингизнинг ичига бир —
Оқ атиргул солиб қўйдим.
Ёстиғингиз оқ жилдига
"Айлавью" деб ёзиб қўйдим.

Костюмингиз чўнтагидан
Олма чиқар — буям ўгит
Хатиям бор, ёзиб қўйдим:
"Танишайлик, яхши йигит".

Сиз-чи, уйиб қовоқларни,
Мен томонга қарамайсиз,
Қўлим чўзсам, жимжилоқни —
Узатишга ярамайсиз.

Ўзингизча, бефарқдайсиз,
Лек йиғлайсиз сўлиб қолсам,
Не бўлади шу аразда
Ё сиз, ё мен ўлиб қолсам?

Вой-вой, Худо кўрсатмасин,
Эрга осий бўлмоқликни,
Дўст, биродар, қўшни, жигар,
Араз ҳолда ўлмоқликни.

Елкангизни қитиқлайман,
Жимсиз, сирли йўталаман,
Белингиздан ачом қилиб,
"Оқ байроғим" кўтараман.

Ёришади юзларингиз,
Учрашгандай Хизр билан.
Ўликниям тирилтирса,
Бўларкан-а ҳазил билан

Дейман: Мен ғўр канизингиз,
Сиз — Подшо бўлақолинг,
Кулворасиз — зўрға турган —
Экансиз-а, ўлақолинг.

Урра! Урра! Уруш тамом!
Ишқ қўшини қучди зафар,
Жисмим бўйлаб етмиш икки,
Томиримда кетди хабар.

Қўйдим "қилич қалқонимни",
Бекор бўлди ҳарбий ҳолат.
Генераллик нишонини
Тақиш қолди энди фақат.

Доно Шарқнинг иши қизиқ,
Уйлаб, кўнглим завққа тўлар.
Аёл шундай саркардаки,
Бош эгганда ғолиб бўлар.

Ҳар уйда бир олтин қўрғон,
Ҳар уйда бир зўр саркарда.
Эру хотин шундай ширин
Рўзғор қилар ўзбекларда.

Мархабо Каримова шеъри.

Sohildagi go‘dak nidosi.

Murg‘ak bu tanamga bo‘zlab yig‘lama,
Ko‘ngilni g‘ashlama, yurak tig‘lama.
Balki, yig‘la, ummat, ojizligingga,
Bo‘zla, insoniyat, nochizligingga.

Inson huquqidan so‘z ochma, bashar,
Loaqal jim turgin, insonsan, agar.
Nifoqu yolg‘onga to‘lgan, ey olam,
Bir nafas sukut qil, so‘zlayin men ham.

Dunyoga kelgandim, ko‘p vaqt bo‘lmadi,
Balog‘atga hali yoshim to‘lmadi.
Ota-onam bilan yashardim sokin,
Sevardim, o‘pardim vatanim xokin.

Men o‘ynab yurgandim mutlaq beozor,
Hech kimga ko‘nglimda yo‘q edi g‘ubor.
O‘zgalar oyog‘i bosh bo‘lmish bizga,
O‘z qo‘limiz yetmas hattoki tizga.

Aybimiz – qo‘rqarmish bizdan qo‘shnimiz,
Semizroq ekandir yana qo‘zimiz.
Banogoh uyimni tutdi bir olov,
O‘tinlar xo‘p yonar, ko‘rinmas kosov.

Bir-birin o‘mardi qadim qardoshlar,
Qo‘l-oyoq uzildi, kesildi boshlar.
Boshlarda aql yo‘q, ko‘z ko‘r, til soqov,
Qo‘l-oyoq xiyorsiz, bir-biriga yov.

Men olovdan qochib, cho‘kdim dengizga,
Dunyoni tark etdim, odamlar, sizga.
Dengiz ham vujudim yuta olmadi,
Dardimni ummon ham ko‘tarolmadi.

Suvining sho‘rligi ko‘zim yoshidan,
To‘lqinlar yuragim yutgan toshidan.
Bugun men yotibman sohilda sokin,
Yuzlarim o‘parmish o‘zga yurt xokin.

Ko‘z yoshimni dengiz yuvib yotibdi,
Boshimni to‘lqinlar silab yotibdi.
Mayli, jonsiz tanam ko‘rsin ham dunyo,
Vijdonsiz nigohlar tushmasin ammo.

Boshim silamasin, qilurman hazar,
Zolimga uzalgan qo‘l bo‘lsa agar.
Sovugan jasadim o‘pmangiz, zinhor,
Haqqa ochilmagan labdan etgum or.

Boqmang kimligimga, sabab so‘ramang,
Bir inson farzandi inson deb qarang.
Hali, ey insonlar, berasiz javob,
Murg‘ak bu jonimdan so‘ralur hisob.

Demangiz cho‘kmishdir jajji bir badan,
Islomiy hamiyat, insonlik cho‘kkan.
Jonim olib qochdim, borganim ajal,
Qorningiz to‘qlikdan yorilgan mahal.

Menku jannat sari uchdim qush bo‘lib,
Qardoshlarim asrang, ketmasin o‘lib.
Otam Ibrohimga yetishdim omon,
Sizlarni kutmasin Fir’avnu Homon.

Ko‘zni oching, qayting o‘zlingizga,
Bo‘ldi, rasm chizmang ko‘zligingizga.
Musulmon musulmon zulmidan qochsa,
O‘zgalar unga o‘z eshigin ochsa,

Arablar eshigin qoqmasa arab,
O‘zga ostonada tursa mo‘ltirab,
Ey Ummat, hayotdan kechganing yaxshi,
Dengizlarga cho‘kib ketganing yaxshi!

Husaynxon Yahyo Abdulmajid

Izoh tahrir qilindi. Izohda yuklangan surat olib tashlandi. Uzr Farida, lekin bu suratga qarash juda qiyin. Homilador qizlarimizga qattiq ta'sir qiladi.

farida :rah# ^yiglash ^yiglash kozyosh kozyosh kozyosh kozyosh kozyosh kozyosh kozyosh kozyosh kozyosh

Qismatimda necha baxtli damlarim bor
Ko‘zim to‘la sevinchlarim namlarim bor.
Tuproqdan yarakgana ajdodim zotim.
Mening taqdir kulbasida g‘amlarim bor.
Ishq ummoni to‘fonlarga aylandimi?
Muhabbatim qasos bo‘lib shaylandimi?
Sabir toqat peshonasi toshdan ekan.
Yorim ko‘ngling o‘zga yorga boylandimi?
Zaxarlidur istexzoning tabasumi?
Tovonimga botsin qonli ko‘zyoshlarim.
Yulin olgin peshonamning sochkarini?
Yoril toshga aylanganda bardoshlarim.
Gul yuzimga sen xazinlar solding yorim.
Yuragimdan baxtni yulib olding yorim.
Qora ko‘zlar uvollar tutsin bir kun.
Fatishtalar qatg‘ishiga qogin yorim?
Baxt kitobi varaqlri g‘ijim g‘ijim.
Istirobning liboslri pora pora.
Yog‘izlikning kechari buncha uzun.
Xiyonatning ko‘zlarini ko‘rsam zora.
Suyib suyib menga g‘amlar ato etding.
Yog‘ilmoqda sukunatng xasratlari
Hajr o‘tida bujudimni? ado etding.
Beva qoldi muhabbatning xasadlar