She'riyatga oshno qalblar

Кўзларинг тубидан сени қидирдим,
Устимда кулмоқда осмон ҳам, ой ҳам.
Мен икки дунёни унга сиғдирдим,
Мен – икки дунёга сиғмаган одам.

… Фақат, сенга – ёлғон, ўзимга аён,
Менинг тушларимга киради ҳар кун:
Сенинг кўзларингни эслатган осмон,
Сенинг кўзларингни соғинтирган тун.

***

Қайдадир бир юрак яшайди нотинч,
Қақшатиб, қақшайди кимнингдир қалби.
Йўлларда тириклай ёнмоқда соғинч,
Чораси қолмаган зардуштий каби.

Ҳозирча, тунларнинг пойгоҳидаман,
Мени чорламоқда залолат арши.
Мени қарши олар озурда туман,
Озурда юрагим – туманга қарши.

Ҳаммани бездирдим, ҳаммадан безиб,
Қачондир саргардон кезганман бунда.
Ҳаммани кечирдим, ҳаммадан кечиб,
Ҳилол даргоҳига сиғмаган тундай.

Қайси бир жасадга бўлдим кафанлик,
Қайси бир кафанга чулғанди бахтим?
Ақлимни тўлдирди қай бир баландлик,
Қайси бир чуқурни тўлдирди ақлим?..

Ёмғир ҳам ювмади юраклар доғин,
Менга ҳамроҳ бўлиб чарчади шамол…
Йўлларда тириклай ёнмоқда соғинч,
Чораси қолмаган зардуштий мисол.

Ганимлар юракка найза отганда,
Калбимга гиналар огир ботганда,
Дустингман деп дустим сирим сотганда,
Мен факат Аллохдан мадад сурадим.
??????
Гохида гамлардан чикмади бошим,
Ёмгирдай тукилди куздаги ёшим,
Ташлаб кетди хатто дустим сирдошим,
Мен факат Аллохдан мадад сурадим.
??????
Дунёда нохаклар хакни енгмасдан,
Робибимдан дуода инсоф тиладим,
Бошимга мусибат етиб келмасдан,
Мен факат Аллохдан мадад сурадим.
??????

⭐️АЁЛ....⭐️

Бешик кучиб аллалар айтган,
Ҳар тукканда ýлимдан кайтган,
Гул ифорли нозик гулбадан,
Сен дунёга кераксан АЁЛ.

Сен бýлмасанг эркаклар хароб,
Орзу, умид, эртаклар сароб,
Майли баъзан берсанг хам
азоб,
Сен дунёга кераксан АЁЛ.

Хар бир миллат яшнаши учун,
Қýркмай кадам ташлаши учун,
Ҳар замонда, хар кеча, хар кун
, Сен дунёга кераксан АЁЛ.

Сен куёшсан мехрга тýлган,
Сен бир гулсан каровсиз сýлган,
Опа, сингил, она, киз бýлган,
Сен дунёга кераксан АЁЛ.

Сахродаю чаман богда хам,
Яхши кунда, юрак догда хам,
Сочинга ок тушган чогда хам,
Сен дунёга кераксан АЁЛ.

ГЎДАК ФАРЁДИ.

Нега ухлаб қолдинг жим?
Ҳали қуёш ботган йўқ.
Тунмоможон осмонга,
Юлдузчалар отган йўқ.

Тур Онажон, жон Онам.!
Чўзилиб тош қотмасдинг.!
Қанча хориб, чарчама,
Мен ухламай ётмасдинг.

Тўшакчамдан бир қарич,
Тушсам, тортиб қўярдинг.
Йиғлар бўлсам, кўзларим
Артиб, ўпиб қўярдинг.

Тур Онажон, жон Она.!!!
Иштончам хўл, қорним оч.
Кимдир тутган ширмой нон,
Сенга берай, кўзинг оч.!

Қўлларингни уқалаб,
Кўзларимга сураман.
Сал қимирла, бошингга,
Ёстиқ бўлиб тураман.

Тур Онажон.! Ҳеч гўдак
Мустар бўлиб кутмасин.!
Уйғонмасанг, дунёни
Қиёматлар ютмасин.!

Кимдир туртиб, ким боя
Тепиб ўтди, билмадинг.
Айбимиз не? Бировга
Ҳеч ёмонлик қилмовдинг...

Жилмаярдинг чиройли,
Тургин Она, кулиб тур.!
Югуртирмай майлига,
Қимирлаб тур, юриб тур.!

Оқ сут берган кўкрагинг,
Музламасди бунчалик.
Эсламадинг эмсам ҳам,
Унутдингми, шунчалик?!

Тургин Она, тур Она.!
Билакчамга куч бўлгин.!
Меҳринг дариғ тутмагин,
Юракчамга куч бўлгин.!

Уйғон Она.! Майлига,
Уришиб тур, уриб тур.!
Эртак айтма, шеър айтма,
Қўшиқ айтма, кулиб тур.!

"Болажоним", дер эдинг,
Катта бўлай, кўр Она.!
Ширинсўзим, ҳаммадан,
Фақат ўзинг зўр Она.!

…Афсус.! Анча нарсага,
Ақлим етиб турибди...
Уйғонмасанг, қай қисмат,
Мени кутиб турибди?

"Ҳазиллашдим" десангчи,
Лол қолдириб оламни.
--Бермайман.!~де, ҳеч кимга
Эркатойим, боламни...

Тур Онажон.!
Тур Она.!

Осмон катта, ер катта,
Ҳаммага жой бор, Она.!
Тоғлар сиққан, ой сиққан,
Дунёсида қол, Она.!!!

ОНАМНИ АСРА ҲАЁТ

Эй ҳаёт, бунчалар чигалсан нега?
Ҳар ишнинг жавоби бордир эртага.
"Қанча тошинг бўлса, мана менга от",
Онамсиз мен учун бир пулсан ҳаёт!

Заҳрингни ёмонга сочақолгин бор,
Сен шунчалар пастсан, шунчалар беор.
Аллоҳим яратган энг буюк ижод-
У менинг онамдир билиб қўй ҳаёт!

Онамни йиғлатма, асра, авайла,
Оламда онани жаннат деб сайла.
Уларни ёнида бўлиб тур нажот,
Дунёнинг шодлигин улашгин ҳаёт.

Бахтдан ярқираган пешонангни тут,
Онамнинг ёнидан таъзим қилиб ўт,
Дардингни ҳўв ана ёмонларга сот,
Фаришта онамга кулиб боқ, ҳаёт.

Бошидан учирма азиз рўмолин,
Ўзига сездирма ёлғизлик ҳолин.
Мадад бўл онамга, ҳам сабру сабот,
Шунда сени ҳурмат қиламан ҳаёт.

Онам қайда бўлса, доим болам дер,
Азобларинг бўлса, мана менга бер.
Онам азоб чекса чидолмасман рост,
Онамсиз дунёйинг керакмас ҳаёт!

Ёмон бўлсанг бизга, сендан нима наф,
Мен доим эзгулик, яхшилик тараф.
Онамсиз нурсизсан, гўё зулумот,
"Сен онам бор учун гўзалсан Ҳаёт!"

{ Дилноза КАМОЛ }

Нархи қанча меҳрни, айтинг...

Нархи қанча меҳрни,айтинг?
Ҳаммасини сотиб оламан.
Оқибат бор остоналарга,
Керак бўлса ётиб оламан.

Нархи қанча меҳрни, айтинг,
Олиб берай меҳрсизларга.
Ёпмаса бас, юзимга эшик,
Улашаман қалби музларга.

Нархи қанча меҳрни, айтинг,
Беринг етим гўдаклар учун,
Кўзларида ўкинчми, илинж,
Одамга зор юраклар учун.

Нархи қанча меҳрни, айтинг,
Олишимга борми қаршилар?
Ўзимга ҳам керакдир, бироқ,
Илинаман сизга, яхшилар.

Нархи қанча меҳрни, айтинг,
Борми, ахир унинг баҳоси?
Меҳрингизга бўлай харидор,
Биз ҳаммамиз меҳр гадоси.

Нархи қанча меҳрни, айтинг,
Йўқ, у асло сотилмас пулга,
Дунё талаб савдогарлардек ,
Меҳр излаб чиққанмиз йўлга.

Нархи қанча меҳрни, айтинг...

Ярим окшом кучиб бола бешигини
Она калби булинади доналарга.
Фаришталар очинг жаннат эшигини
То тонггача алла айтган Оналарга.

Оналарни ранжитганни багрин тилинг
Тунни бедор утказганни кадрин билинг.
Кадни букиб пойларига тазим килинг
То тонггача алла айтган Оналарга.

Тун кечалар хамма ухлаб етган палла
Она бедор боласига айтар алла.
Кулингиздан келса агар айтинг ялла
То тонггача алла айтган Оналарга.

Тонгларда кузатиб, шомда кутганим.
Ох десам зорланиб, жонин тутганим.
Мен кайсар,кадрингга борми етганим,
Боримни бахт дея билган Аёлим.
Кай гулни мадхини, куйладим жимсан.
Кýнглингни синдириб кийнадим жимсан.
Охмисан? Мохмисан? Фаришта... кимсан?
Кулиб хам бағрини тилган Аёлим.
Кýлингдан тутмадим кадоклар дедим.
Юзингдан ýпмай гул дудоғлар дедим.
Яхшисан ва лекин бироқлар дедим,
Орзуйин армонлар қилган Аёлим.
Чидадинг,дош бердинг аламларга хам.
Сенданда рашк килган санамларга хам.
Сени деб ёнмаган каламларга хам.
Бахорда куз каби сýлган Аёлим.
Чарчадим гýзаллар макрига тýйдим.
Кечамни мен бугун ёшликка йýйдим.
Мен учун сен битта бошкасин кýйдим.
Борлигинг бахтлигим булган Аёлим.

? ОНАЖОН

Остонада кутарсиз, кеб қолсайди қизим деб, 
Мен юраман рўзғору фарзандимни ғамин еб.
Асли бир кам дунёнинг битираман камин деб, 
Сизни йўқлаб, ойда бир боролмайман, онажон. 

Сиз-чи райҳон исини сақлаб димоғингизда, 
Кеб қолар, деб, об қўйиб ошни товоғингизда, 
Юрагингиз эзилиб, соғинган чоғингизда 
Сизни йўқлаб, ойда бир боролмайман, онажон. 

Сиз бедор, мен бепарво, уйқум, тушларим қурсин, 
Сизсиз новвот чайнаган нодон тишларим қурсин,
Сизни куттириб қўйиб, қилган ишларим қурсин, 
Сизни йўқлаб, ойда бир боролмайман, онажон. 

Сизга ойлаб бормайин куй-ғазалларни йўллади 
Ёғлик палов, чойхона, гузарларни йўқладим. 
Меҳри ёлғон жонону гўзалларни йўқладим. 
Сизни йўқлаб, ойда бир боролмайман , онажон. 

Сўрай энди Аллоҳдан, очсин сизга йўлимни, 
Дунё иши тўсмасин сизга чўзган қўлимни. 
Бағрингизга эгилдим, қабул айланг узримни, 
Сизни йўқлаб, ойда бир боролмайман, онажон...

Олийжаноб эрига ўғил фарзанд туғиб беришни орзу қилиб яшаётган аёл бу сафар ҳам қиз кўрди.
Одамларни гап-сўзига парво қилмаслигини айтиб аёлини қучоғига олган эр, унга далдалар берди.
Ана шундай сабрли, виждонли ва иймонли эри борлигидан таъсирланган рафиқасининг дилдаги сатрлари:

Сиз ҳойнахой билмайсиз буни,
Бугун айтай кўнглим бўшасин.
Мен Худодан сўрайман шуни,
Қизларимиз сизга ўхшасин.

Келдингизми адажон дея,
Пойингизга кўрпа тўшасин.
Бўлсин сиздек мехрибон, софдил
Қизларимиз сизга ўхшасин.

Ўша бизни кўролмаганлар,
Аламидан бугун қахшасин.
Отанга минг рахмат десинлар,
Қизларимиз сизга ўхшасин.

Бошларига тушмасин хеч ғам,
Ҳар жабхада бўлсинлар бекам.
Майли менга ўхшамаса хам,
Қизларимиз сизга ўхшасин.

ИншаАллох мана шу қизлар,
Бизни жаннат томон бошласин.
Роҳатини кўрайлик бизлар.
Қизларимиз сизга ўхшасин.

Сиз ҳойнахой билмассиз буни,
Бугун айтай кўнглим бўшасин.
Мен Худодан сўрайман шуни,
Қизларимиз сизга ўхшасин!

DURDONA, [14.02.17 22:10]
[Forwarded from МИССИС ВАЛИЕВА]
Севишганлар куни эмиш...

Эрта тонгда, эшик олдида,
Йўлим тўсди ногоҳ аёлим.
Бу ҳол бирла бузилиб фикрим,
Минг кўчага кетди хаёлим.

-Ҳой дадаси, тўхтангчи бир дам,
Биласизми, эрта қандай кун?-
Гаранг эдим, хаёллар тарқоқ,
Кўтаролмай бошимнинг юкин.

Гапирмасам “дооод” дегудайин,
Нақд бўғзига йиғилган уни.
-Ҳа биламан, эртага хотин,
Бобур мирзо туғилган куни...

Пирпиради лаблари унинг,
Йиғламоқдан берироқ бўлиб.
Эшик зулфин бузмоққа тайёр,
Турар эди, ўпкаси тўлиб.

Кўзларида ўйнарди жаҳл,
Лаб учида турар зардаси...
-Эй борингейй, эртага ахир,
Севишгалар куни, дадаси!...

Жим турардим, кўзларим кулиб,
Жаврар эди хотин бечора.
Борган сайин вазият оғир,
Излар эдим чиқмоққа чора.

Не дер эдим, қалб ошиқ ахир,
Муҳаббатга кўнгил қахрабо.
-Ҳа онаси, эртага байрам,
Хурсанд бўлсин Валентин бобо.

Сал жилмайди шўрлик аёлим,
Юзларида табассум зухур.
Деди, ерга термулиб, секин:
-Унутмабсиз, Худога шукур!

-Унутганим йўқ, меҳрибоним,
Ахир кўнгил ишқдан умидвор.
Мумкин бўлса, жаноби хотин,
Энди сенга бир саволим бор.

-Қандоқ савол, айтинг дадаси –
Бирам гўзал чимрилди қошлар.
Бугун совға олмоқ ишқида,
Сарак-сарак ўйнарди бошлар.

-Неча кун бор бир йилда хотин?
Сал унутдим, эслат азизам.
-Уч юз олтмиш беш кун, дадаси,
Алгебрани биламиз биз ҳам...

-Ҳа шундайми, аниқми жоним,
Шу гапингга ўзинг қози бўл.
Сени фақат эрта севаман,
Уч юз олтмиш тўрт кун рози бўл!

Ғазаб ўти порлади бирдан,
Косасидан чиқди кўзлари.
Соч тўлғониб, аждаҳо бўлди,
Олов бўлиб ёнди юзлари.

-Бу нима гап дадаси ахир –
Йиғлар эди, бечора ҳиқ-ҳиқ.
-Ўн беш йиллик жуфт ҳалолингиз,
Наҳот бир кун севишга лойиқ?!

-Ахир ўзинг айтдингку, жоним,
Севишганлар куни деб эрта.
Сени эрта жуда кучлироқ,
Севмоқ учун бир имкон бер-да.

-Розимасман!!! Йўқ! Йўқ...яна йўқ!-
Қайнар эди ғазаб зардаси.
Деди, ёшли кўзларин сузиб:
Мени ҳар кун севинг, дадаси.

-Хўп азизам, ҳар кун севаман,
Фақат битта шартим бор хотин.
-Айтинг майли розиман – деди,
Бечоранинг кўзлари ботин.

Бир жилмайиб қўйдим-у секин,
Очдим чунон қалб номасини:
-Бошқа тилга олмайсан сира,
Валентин чол ҳангомасини.

-Хўп розиман...- маюс тортди у,
Тушди дарров оташ қаҳридан.
Ул ҳавоий бир кунлик ишқни,
Бир лаҳзада ўтди баҳридан.

Уйдан чиқдим. Енгил тин олиб,
Ечиб бошдан ҳайрат юкини.
-Эрта қандай кун эди, хотин,
-Эрта Бобур туғилган куни!



-Эй яшавор! Ўзинг биттасан,
Муҳаббатинг бошга қўяман.
Шу гапинг-чун энди мен сени,
Уч юз олтмиш беш кун суяман.

Unda 365 kun har kuni sovg'a kutaman dadasi degan bulardim man bulsam★

_____"ОНАЖОНЛАР ― НИДОСИ"_____

___Кунларим беором тунларим бедор.
___Кўзларим интизор юраккинам зор.
___Бу кўнгил душманда х,ар ўйим озор.
___МУСОФИР ЮРТЛАРДА ТИНЧМИСАН БОЛАМ?

___Рўзгор гор эканда камлари к,урсин.
___Согинчнинг беаёв гамлари к,урсин.
___Кекса бу Онангнинг намлари к,урсин.
___МУСОФИР ЮРТЛАРДА ТИНЧМИСАН БОЛАМ?

___Суратинг к,ўлимда кулиб турибсан.
___Багримни фирок,да тилиб турибсан.
___Х,озир сен к,ай ерда к,андай юрибсан?
___МУСОФИР ЮРТЛАРДА ТИНЧМИСАН БОЛАМ?

___Болангни болам деб суйдим овундим.
___Келин х,ам согинган куйдим овундим.
___Не бўлса дилимга туйдим овундим.
___МУСОФИР ЮРТЛАРДА ТИНЧМИСАН БОЛАМ?

___Ишласанг чик,арди к,ишлок,да х,ам иш.
___Яшардик жам бўлиб бегам беташвиш.
___Х,ар куним жон х,алак неча бир миш-миш.
___МУСОФИР ЮРТЛАРДА ТИНЧМИСАН БОЛАМ?

___Яшашдан кекса тил толмасдан туриб.
___Зор юрак уришдан к,олмасдан туриб.
___Онангни к,аро ер олмасдан туриб.
___МУСОФИР ЮРТЛАРДАН К,АЙТА К,ОЛ БОЛАМ...!

Ўзингизни эҳтиёт қилинг!

Хаёт бизга асли омонат.
Омонатга бўлмас хиёнат.
Тарк этмасин қалбни матонат.
Рухингизни эхтиёт қилинг!

Хаётга ким бўлибди устун,
Ярим дунё бўлмаски бутун.
Яшаш керак келажак учун.
Сабрингизни эхтиёт қилинг!

Ажал келса енга олар ким?
Бу дунёда мангу қолар ким?
Дардни бошга айтинг?солар ким?
Тилингизни эхтиёт қилинг!

Иғволардан ўзингиз тийиб,
Ким душману-дўстлигин билиб.
Ор матодан кўйлаклар кийиб.
Онгингизни эхтиёт қилинг!

Эгриликдан жирканар тан ҳам.
Ўзингизни ушлангиз маҳкам.
Каззоб қилиқ бўлмагай малҳам.
Қўлингизни эҳтиёт қилинг!

Эрк бермангиз кўп ҳам оёққа.
Хушёр юринг,тушманг тузоққа.
Суянманг сўнг асо таёққа.
Оёғингиз эҳтиёт қилинг!

Номаҳрамга ҳирс ила боқмай.
Юрагига ёлғон ишқ ёқмай.
Сузилганга ёғ мисол оқмай.
Кўзингизни эҳтиёт қилинг!

Бошинг ейди,фасоду-ғийбат.
Ёғдиради беўрин тухмат.
Тингланг фақат сўйлашса ҳикмат.
Қулоғингиз эҳтиёт қилинг!

Дард келганда,асалдай ютиб,
Бахтли кунлар келишин кутиб.
Дилингизда иймонни тутиб.
Юрагингиз эҳтиёт қилинг!

Ёв билганни қўлин ушламай.
Дўстга-дўстни,кулиб кишламай.
Заҳринг билан кўнглин тишламай.
Тишингизни эҳтиёт қилинг!

Бадбўй гулни ҳиди айлар мас,
Ундайларга қилмангиз ҳавас.
Чин кўнгилдан олинггиз нафас.
Бурнингизни эҳтиёт қилинг.

Йўлингизга кўзи нигорон.
Болам дейди хар нафас хар он.
Дунёдаги энг азиз инсон!
Онанггизни эҳтиёт қилинг!

Кўзларида яширинган нам.
Кўрсатмайди,ютса хам алам.
Паноҳингиз қоядай бардам.
Отангизни эҳтиёт қилинг!

Шўхлик даври,шўхлик онида,
Ибрат бўлинг ҳар дам ёнида.
Қонинггиз бор унинг жонида.
Ўғлингизни эҳтиёт қилинг!

Беғубордир мисли фаришта,
Хонадонда файзу-саришта.
Боғлаб турар узулмас ришта.
Қизингизни эҳтиёт қилинг!

Ширин сўзга,қалби интизор,
Кеч қолсангиз,кутгувчи бедор.
Мехрингизга қилмай уни зор.
Аёлингиз эҳтиёт қилинг!

Қадрин сезса,аямас жонин.
Пойинггизга тўкади борин.
Рашк қилгувчи,ўзгадан ёрин,
Эрингизни эҳтиёт қилинг!

Савоб ёзсин хар бир кунингиз,
Осойишта ўтсин тунингиз.
Оллох қилсин узун умрингиз.
Ўзинггизни эҳтиёт қилинг!

MEHR BERING...
Alvon alvon lolalar termang,
Atab jufti halolingizga.
Sovg'a bermang tuhfalar bermang,
Mehr bering ayolingizga..

Oy kerakmas unga osmondan,
Mehr kutar sizdan har onda.
Kulib boqing har sahar tongda,
Mehr bering ayolingizga.

Sizni deya o'zini unutgan,
Yuzida kulgu dilga g'amini yutgan.
Yo'lingizda intizor kutgan,
Mehr bering ayolingizga..

Siz otasiz u esa ona,
Gul ko'nglini qilmang vayrona.
Bir tabassum unga kifoya,
Mehr bering ayolingizga.....

Ming boʻlakka boʻlib dunyoni,
Tugʻilgandan baxtni izlaymiz.
Qoʻllaridan tutib roʻyoni,
Atrofda baxt, baʼzan bilmaymiz

Baxtlar bilan yasatilgan taxt,
Allohimga yetsa bas zoring.
Seni kimdur oʻylasa shu baxt,
Baxt aslida dunyoda boring.

Kimlarnidir sevib, sogʻinib,
Intizorla uni kutganing.
Baxt aslida tomogʻing bilan,
Shu bir qultum suvni yutganing.

Senga yana nima yetmaydi?
Atrofda baxt yelib, tolmoqlik
Har kimga ham nasib etmaydi,
Tongda turib nafas olmoqlik...

Kuyov bolam, o'z bolam, Mani qorako'z bolam, Dilimda bir so'z, bolam, Qizim yomon -  siz yaxshi.   Erka bolam, arslonim, Oyim turgan osmonim, Qo'lingizdadur jonim, Qizim yomon - siz yaxshi.   Yigit bormi sizday mard? Yuragi toza begard, Ikki dunyo ko'rmang dard, Qizim yomon - siz yaxshi.   Biz temir, siz tillosiz, Biz omi, siz mullosiz, Biz nodon, siz donosiz, Qizim yomon - siz yaxshi.   Qizimning o'zi ahmoq, Yurardi sizni maqtab, Bir kepti-da arazlab, Qizim yomon - siz yaxshi.   Tiriklik deb yursangiz, Uy-joyim deb tursangiz, Nima qipti ursangiz? Qizim yomon - siz yaxshi.   Ro'zg'or xurjun bo'ladi, Goh kamib, goh to'ladi, Xotin degan ko'nadi, Qizim yomon - siz yaxshi.   Bolam, sizda ixtiyor, Bo'lmaylik ozor-bezor, O'rtada bolalar bor, Qizim yomon - siz yaxshi.   Ko'p yashang, yuzga yeting, Qiz tushgurni afv eting, Aldab-suldab opketing, Qizim yomon - siz yaxshi.   Ko'chada yotsangiz ham, Mast bo'lib qotsangiz ham, Choynakni otsangiz ham, Qizim yomon - siz yaxshi.   Bo'lsangiz ham mayda gap, Yursangiz ham o'ng-u chap, Man hamisha siz taraf, Qizim yomon - siz yaxshi.   Sog'ligida sizniki, O'g'liniki-qizniki, Kasal bo'lsa, bizniki, Qizim yomon - siz yaxshi.   Taqsirimsiz, xo'jamsiz, Qimmatbaho o'ljamsiz, O'zim ochgan jo'jamsiz, Qizim yomon - siz yaxshi.  

Kuyov bolam, o'z bolam,
Mani qorako'z bolam,
Dilimda bir so'z, bolam,
Qizim yomon -  siz yaxshi.
  Erka bolam, arslonim,
Oyim turgan osmonim,
Qo'lingizdadur jonim,
Qizim yomon - siz yaxshi.
  Yigit bormi sizday mard?
Yuragi toza begard,
Ikki dunyo ko'rmang dard,
Qizim yomon - siz yaxshi.
  Biz temir, siz tillosiz,
Biz omi, siz mullosiz,
Biz nodon, siz donosiz,
Qizim yomon - siz yaxshi.
  Qizimning o'zi ahmoq,
Yurardi sizni maqtab,
Bir kepti-da arazlab,
Qizim yomon - siz yaxshi.
  Tiriklik deb yursangiz,
Uy-joyim deb tursangiz,
Nima qipti ursangiz?
Qizim yomon - siz yaxshi.
  Ro'zg'or xurjun bo'ladi,
Goh kamib, goh to'ladi,
Xotin degan ko'nadi,
Qizim yomon - siz yaxshi.
  Bolam, sizda ixtiyor,
Bo'lmaylik ozor-bezor,
O'rtada bolalar bor,
Qizim yomon - siz yaxshi.
  Ko'p yashang, yuzga yeting,
Qiz tushgurni afv eting,
Aldab-suldab opketing,
Qizim yomon - siz yaxshi.
  Ko'chada yotsangiz ham,
Mast bo'lib qotsangiz ham,
Choynakni otsangiz ham,
Qizim yomon - siz yaxshi.
  Bo'lsangiz ham mayda gap,
Yursangiz ham o'ng-u chap,
Man hamisha siz taraf,
Qizim yomon - siz yaxshi.
  Sog'ligida sizniki,
O'g'liniki-qizniki,
Kasal bo'lsa, bizniki,
Qizim yomon - siz yaxshi.
  Taqsirimsiz, xo'jamsiz,
Qimmatbaho o'ljamsiz,
O'zim ochgan jo'jamsiz,
Qizim yomon - siz yaxhsi.

  Marhaboxon, uqqanim,
Go'ngga g'uncha suqqanim,
Gunohim qiz tuqqanim,
Qizim yomon - siz yaxshi.