Forumda yozish uchun ro'yhatdan o'ting
She'riyatga oshno qalblar
Газета ўқиб туриб:
-Араб булиб қолмапмиз
Яхшиям худо уриб.
Қара,бу ваҳшийларни,
Шунақаям бўларкан.
Қиз туғилса чақалоқ,
Ерни ковлаб кўмаркан.
Хотин деди:-вой воя
Қаранга ўз боласи.
Бу исломдан олдинги
Араблар-да дадаси.
Талончилик,динсизлик.
Урушқоқ ҳар қабила.
Ўғил болаларидан
Тузар экан армия.
Қиз боладан не фойда?
Нонига бўлар шерик.
Боқиб боқиб бировга
Бервориш ақлсизлик.
Эр деди:- Таҳмин қилма
Жа унақа эмасдир.
Балки қиз узатишнинг
Қийинлиги сабабдир.
Икки қиз узатгунча,
Қул булиб ишладига
Ҳали Чорсуда савдо
Ҳали Хитой,Россия.
Олган эдик чиройли,
Тошкентнинг мебелини.
Катта қуданг қайтариб,
Юборган эсингдами?
Зўрини оламиз деб
Битта домни сотдирдинг
Молу қизингни бериб
Нима фойда ортирдинг.
Битта домнинг пулига
Учта уйни ясатиб
Ора кунда қизингни
Юборишар қақшатиб.
Куёвмиш кайнотасин
Мебелида ётиб ҳам,
Учрашганда эриниб,
Кўришадилар"акам"
Айтгим келар қўл чўзиб,
Қотганида энсаси:
"Қалай юмшок эканми,
Туркиянинг кўрпаси"
Ёқдими гиламларим?
Юнги пати узунми?
Турткиламай бошингда
Кўтариб юр кизимни.
Юмшок мебелларимчи,
Тушдими уй рангига?
Кетларингни қитиқлаб
Қийнамаяптими-а?
Олган чинни буюмлар
Хурусталларим қалай?
Ҳалли коса шўрваси
Ёқётгандир асалдай.
Қудангчи осмондалар
Белларида доим қўл
Келиннинг моли билан
Уйингни ясатмай ўл.
Дептилар алмаштиринг
Ёстикларнинг пари кам,
Чойнак пиёла кичик
Ликопларнинг зари кам.
Сепларининг ичида
Аптечкаси,дори йўқ
Пилесос ювадиган бўлсин,
Депти, ори йўқ.
Юбордиму десамда:
Кўнглинг мунча моғор-а?
Ўша пилесосимда
Қалбингниям тозала.
Хотин деди:-Ҳа майли
Бўлди энди дадаси.
-Келин топиб, шарт қўйсанг,
Ўлдираман онаси.
Қурбилари етганча
Сеп қиберсин,индама.
Хотин:-Менга барибир
Одамлар кулади-даа.
Эр дейди:-Бу хотинлар
Бунча ўч-а дунёга?
Ўтиб кетди ишлари
Хўжа кўрсин, риёга
Буларни бир меъёрга
Ўргатиб булармикан?
Ё шу "ким ошди"сини
Қилмаса ўлармикан?
Эркакларни ҳам секин
Қўлларига олишди.
"Ҳа шунақа экан"деб
Кўниб қўя қолишди.
Кўпроқ пул топайин деб
Юрган бўлса қай эркак
Миясида бир фикр:"Қиз узатишим керак".
Лом мим,ҳатто, алифни
Билмасак мўмин бўлиб,
Тўйшунослик илмини
Ичворганмиз сув килиб.
Сен паст булиб қудадан
Сўраб олма борини.
Мўмин киши қийнамас
Мўмин биродарини.
Ким қудани қийнаса,
Таъма-ла бериб озор.
Боласин тирик кўмган
Ваҳшийдан не фарқи бор?
У боласин тупроққа
Кўмса боқмай оҳига,
Бу қудасин кўмяпти
Таъма таъна чоҳига.
Фарқи шуки,улар дин
Нур кўрмаган инсонлар,
Биз-чи ғурурга кетиб,
Бузилган мусулмонлар.
Бу ҳою ҳавасларнинг
Сўроғи ҳам бўлади.
Марҳабо ҳаддан ошса
Охиратда кўради.
Please Kirish or Saytga A'ZO BO'LISH to join the conversation.
Kelin keldi, yo'lni och,
Ne ko'z bilan ko'rayki,
Kelin yarim yalang'och.
Sharqning qizi bo'lganda,
Bo'lib sharmu hayosi,
Bunchalar ochiq-sochiq,
Bo'lmas edi libosi.
- Kelin qaydan? - so'radim
Bitta kelin-oyidan,
Kesatdi: - Shu qishloqning
"Parij" degan joyidan.
- Yo, tavba! O'zimizning
Qizimizmi bu hali?
Otabeklar, Kumushlar
Kiygan liboslar qani?
Ko'ylagi uzuq-yuliq,
Yelkalari yap-yalang,
Voy-o'lay! Qo'ltiqlari
Ko'rinyaptiku, qarang.
Ayol kishi bo'lsam ham,
Junjikib ketti etim,
Ko'krak yarim ochilib,
Bo'b turibdi bir yutum.
Bu libosda qizlarni,
Ko'rgandim kinolarda,
Bo'lar edi g'arbdagi
Ko'ngilochar joylarda.
Yozilardi u joylar
Eshigiga hammasin:
"O'n oltiga to'lmagan
Bolakaylar kirmasin".
Yopiqqina bo'lmasmi
Axir, "siyna", degan joy
Hamma ko'rdi, kuyovga
Nima qoldi endi, voy?!
Yirtilib ketganmikin,
Yoki ochgan jo'rtaga?
Qaynotasi uyalib
Chiqib ketti ko'chaga.
O'g'lin so'kar ichida,
Qanday bo'g'ilmay tursin:
"Uni - u, buni - bu", deb
Topgan xotinig qursin.
Badaniga qarasam,
Oriyatdan qaqshayman,
Xotinlar xammomida
O'tirganga o'xshayman.
Qaynona: "Yelkasini
Yoping!" deb imlayapti,
Yanga der: "Yopay desam,
Kelin unamayapti".
Qaynonasi garg'azab,
Ichida der: "To'y o'tsin,
Kuningni ko'rsataman,
Qiz bo'lmay beting qursin!"
Ro'molin uchin bilan,
Bekitvolib og'zini,
Kampirsholar uyalib
Chetga olar o'zini.
Namoyishga ochilgan,
Bo'yin, qo'ltiq, yanoqlar,
Ko'zi bilan "yeb qo'ysam",
Deb turipti bo'ydoqlar.
Qanday chidab tiripti,
Kuyov munchalar royish,
Kelinnnig ziynatlarin
Qilib qo'yib namoyish.
Kuyovga qaradimu,
Orim keldi, bo'ldim lol,
O'tiribdilar "okam"
Tirjayvolib bemalol.
Shom bo'ldi, tugadi to'y,
Karnayning o'chdi uni,
Tamom bo''ldi, ming shukr,
"Ochiq yelkalar kuni".
Qasd qildim: to'y qilaman,
Qizim Osiyoxonga,
Sharqona to'yliboslar
Chiqqanida do'konga.
Please Kirish or Saytga A'ZO BO'LISH to join the conversation.
- Platinum Member
Сижу за решеткой в темнице сырой.
Вскормленный в неволе орел молодой,
Мой грустный товарищ, махая крылом,
Кровавую пищу клюет под окном,
Клюет, и бросает, и смотрит в окно,
Как будто со мною задумал одно.
Зовет меня взглядом и криком своим
И вымолвить хочет: «Давай улетим!
Мы вольные птицы; пора, брат, пора!
Туда, где за тучей белеет гора,
Туда, где синеют морские края,
Туда, где гуляем лишь ветер... да я!...
А. С. Пушкин
Shu sherni judayam yaxshi koraman. Haligacha tez tez aytib yuraman. Yaqinda Maryaam yodlavoladi. 😁
Please Kirish or Saytga A'ZO BO'LISH to join the conversation.
Ummu Maryam wrote: УЗНИК
Сижу за решеткой в темнице сырой.
Вскормленный в неволе орел молодой,
Мой грустный товарищ, махая крылом,
Кровавую пищу клюет под окном,
Клюет, и бросает, и смотрит в окно,
Как будто со мною задумал одно.
Зовет меня взглядом и криком своим
И вымолвить хочет: «Давай улетим!
Мы вольные птицы; пора, брат, пора!
Туда, где за тучей белеет гора,
Туда, где синеют морские края,
Туда, где гуляем лишь ветер... да я!...
А. С. Пушкин
Раҳмат, UmmuMaryam мани ҳам мактаб даврим эсимга тушиб кетди. Ростан ҳам жуда яхши шеър.
Shu sherni judayam yaxshi koraman. Haligacha tez tez aytib yuraman. Yaqinda Maryaam yodlavoladi. 😁
Please Kirish or Saytga A'ZO BO'LISH to join the conversation.
Хўжайиним уйқудан,
Турди авзойи чатоқ.
Сўрасам, индамади,
Туш кўрдими ёмонроқ?
Айтмоқчи эдим, афсус,
Рўзғоримиз камини,
Бундай пайтда чиқариб
Бўларканми дамимни?!
Жаҳли чиқади баттар,
Кечга овқат қилмасам.
Ё хат ёзиб қўлига,
Тутқазсамми, Билмасам?:
“Бу - камчилик рўйхати”
Десам, аниқ, ўламан.
“Сизга ишқий мактуб бор,
Жоним”, - деяқоламан.
Хатни шундай бошладим:
“Салом, қалбим Қуёши!
Қўли очиқ, мард, доно,
Оиламизнинг боши,
Сиз - суянчим, сиз – тоғим,
Сиз - жонимнинг парчаси,
Бўшаб қолди, Шунқорим,
Рўзғоримиз халтаси.
“Аҳли аёлингизга
Келтирган ҳалол луқма
Садақа бўлади,” деб,
Ёзилган бир ҳадисда.
Сизчи, барака топкур
Қанча жонни боқяпсиз,
Ҳалол пул топиб, сарфлаб,
Тоғ-тоғ савоб оляпсиз.
Бу савоблар олтинга,
Айланишиб, албатта,
Сизга бир қаср бўлиб,
Қад кўтарсин жаннатда.
Аҳли аёл сиз учун,
Аллоҳ берган омонат,
Улар деб ҳар бир босган,
Қадамигиз – ибодат.
Мана рўйҳат: Гўшт, гуруч,
Ёғ, шакар, сабзи, пиёз,
Нўхат, пишлоқ, картошка.
Ун ҳам оласиз бир оз.
Қўй гўшти нафис, енгил,
Суяги ҳам мазали.
Ёғсизгина жойидан,
Оласиз-да, асали.
Айтгандай, охирини,
Едик бугун асални,
Ўзингиз айтасиз-ку,
Асал, ҳайдар касални.
Шоколаднинг ўрнига
Қантак ўрик оласиз,
Ёнғоқ, майиз, наматак,
Ейиш керак боламиз.
Яна меҳмон-измонга,
Писта, мағиз, бодом йўқ.
Бозор қилишда сизга,
Етадиган одам йўқ.
Ёғсиз қатиқ ҳам олинг,
Юзларимга суришга,
Юз ҳам овқат емаса,
Кеб қолади қуришга.
Қалам қошни тўкади,
Ўсма ўстирар майин,
Қошимга ҳам сув керак,
Қайнонам айтгандайин.
Майли унутсангиз ҳам,
Ёзганларим ҳаммасин,
Ўсмам билан қатиғим,
Эсингиздан чиқмасин.
Пахта ўраб бир чўпга,
Тўнкариб пиёлани,
Ўтирибман олдимга,
Қўйволиб тошойнани.
Ахир, ўзингиз учун
Ясанаман, куламан,
Ўсмамни унутсангиз,
Аниқ йиғлаб бераман.
Унутмайсиз, албатта,
Сиз менинг йўғу-борим,
Харид учун олдиндан
Рахмат сизга, Шунқорим.
Сарфлаган ақчангизни,
Аллоҳ ўзи ҳаммасин,
Ҳар сўмини миллион, Йўқ!
Миллиард қилиб қайтарсин.
Сизни ўпиб қолгувчи,
Ва севгувчи умрбод,
Тантиққина ёрингиз,
Маликаи Турандот”.
Шомда қайтди хўжайин,
Ишонч билан ўзига,
Халта-халта нарсани,
Териб қўйди сўрига.
Қатиқ билан ўсмани,
Қўйиб шундоқ олдимга,
Болаларга билдирмай,
Шипшиди қулоғимга:
“Биринчи бор умримда,
Пул сарфлаб яйрадим.."
Please Kirish or Saytga A'ZO BO'LISH to join the conversation.
Дунёда энг тотли айтгинчи дархол,
Новвотми, конфетми, шакар ёки бол? Боламдан тотлиси йук деди аёл.....!!!
Яна сурадилар, айтгин яширмай,
Энг хушбуй гул кайси: атиргул, лола?
Бир лахзада берди жавоб уйламай,
Энг хушбуй хилкат бу шубхасиз - бола.....!!!!!
Аёл борки бари, килади орзу,
Уй, бойлик, такинчок, пари жамоли,
Кай бирин хохлайсан, айт секин деди:
Менга кифоядир болам камоли......!!!!!
Шу кунларга етказган Роббимга Хамдлар булсин!
Please Kirish or Saytga A'ZO BO'LISH to join the conversation.
- Platinum Member
- Boyliklarim Bolalarim.
Olamda muhabbat tutguvchi , ayol!
Sadoqatla birga rafiqa bõlib!
Eridan shirin sõz kutguvchi ayol!
Farzandiga mehr berguvchi , ayol!
Ranjitsangiz qahr qilguvchi , ayol!
Kõzlardagi ğamni bilguvchi , ayol!
Borini muhayyo qilguvchi ayol!
Kõzidan chiqarmang hech qachon kõz yosh!
Alamdan yonsa ham bermoqda bardosh!
Gõzallardan gõzal kamon qalamqosh!
Onamiz,singlimiz,opamiz AYOL!
Please Kirish or Saytga A'ZO BO'LISH to join the conversation.
- Platinum Member
- Boyliklarim Bolalarim.
Қалбимда оғриқ бор кўтаролмам бош,
Саҳар тонги гулдек эди ул сирдош,
Онам жойларингиз жаннатда бўлсин...
Келдим узоқлардан кечикиб нодон,
Мендайин йўқдира нонкўр бир инсон,
Аммо дилимдадир ўша ҳур иймон,
Онам жойларингиз жаннатда бўлсин...
Сизни онам дедим, омонат билмай,
Бошимда бор дедим, саждалар қилмай,
Нега дуо олмадим, бепарво кулмай,
Онам жойларингиз жаннатда бўлсин...
Сочингизга оқ тушса қарилик дебман,
Не есам ўзим деб йиғибман, ебман,
Эндичи пойингиз топиб ҳам бўпман,
Онам жойларингиз жаннатда бўлсин...
Қиш келди совуқмасми айтинг Онажон,
Сўзлашинг илтимос мен билан бир он,
Узоқларда юрибман, юрибман сарсон,
Онам жойларингиз жаннатда бўлсин...
Аллоҳ жаннатидан жой берсин сизга,
Тупроқ уюмингиз суртаман юзга,
Охирги гапларимда, ёш олдим кўзга,
Онам жойларингиз жаннатда бўлсин...
Please Kirish or Saytga A'ZO BO'LISH to join the conversation.
Шу кунларга етказган Роббимга Хамдлар булсин!
Please Kirish or Saytga A'ZO BO'LISH to join the conversation.
- Platinum Member
- Boyliklarim Bolalarim.
Meni ijodimdan emas .Muallifi kimliginiham bilmaymanda opa 🤔.Самира wrote: Фарида агар уз ижодиздан булса исм фамилиянгизни курсатиб қуйсангиз яхши буларди. Кимлардир кучириб олсаям муаллифи ким эканлигини билишарди.
Please Kirish or Saytga A'ZO BO'LISH to join the conversation.
Ayollarga emas uy joy qurmoqlik,
Yo oʻzga yurtlarda sarson kezmoqlik.
Ularga havas emas, aziz erkaklar,
Ayol boshi bilan, erkak boʻlmoqlik.
Zamona zayliga qaranga doʻstim,
Uy-roʻzgʻor tashvishi ayolga qoldi.
Bitarmikin deya biroz kam-koʻstim,
Ayol musofirlikni boʻyniga oldi.
Gʻiybat qilish oson, ayb topish oson,
Tuhmat qilish oson,tosh otish oson.
Yaxshi ayol boʻlsang,uyda oʻtir deb,
Sekin panadan gap otish oson.
Oʻzidan oʻtkanin,oʻzi biladi,
Yeyman,kiyaman deb kimga sargʻaysin?
Ayol oʻlsa ham birkun bolam deb oʻlar,
Bolasi goʻsht deb tursa,qanday chidasin.
Qaysi ayol hohlaydi oʻzga yurtlarda,
Sarson boʻlib qora ishda ishlashni.
Hamma ayol hohlaydi oʻz uyida,
Erining erkatoyi boʻlib yashashni.
Yana kimga havas,ersiz yurmoqlik,
Yolgʻiz ayolning qalbi tirnaydi.
Shu sabab yuziga tortgandir niqob,
Yuzi kulib doim,qalbi yigʻlaydi.
Erkakman deb yurgan tannozlar bordir,
Hotin topganin yegan"alfonslar" bordir.
Balki yarimjondir,hastadir eri,
Dardi ichida,ming afsuslar bordir.
Gʻiybat qilish oson, ayb topish oson,
Tuhmat qilish oson,tosh otish oson.
Yaxshi ayol boʻlsang,uyda oʻtir deb,
Sekin panadan gap otish oson.
Шу кунларга етказган Роббимга Хамдлар булсин!
Please Kirish or Saytga A'ZO BO'LISH to join the conversation.
Tanishing men birinchi –
«B» sinfda o‘qiyman.
O‘ttiz beshta harfning
Barin yaxshi «cho‘qiyman».
Ayniqsa-chi, go‘zal «T»
Ko‘zga darrov tashlanar.
Chunki, oyim nomlari
Shu harfdan boshlanar.
Farqin uncha bilmasdim
Avval har xil don-dun yeb.
Endi yoza olgayman
«Makka» yoki «arpa» deb.
A’lochiman sinfda,
Tartibni ham o‘rgandim.
…Faqat, bir kun domlaga
Chakki savol bergandim:
«Nega bizlar dumsiz «X» –
Yozdik «Xo‘roz» deganda?
Voy, domlajon, sizningcha
Xo‘roz dumsiz ekan-da?!»
Toy, Bo‘taloq, Buzoqlar
O‘shanda xo‘b kulishdi.
To‘polonchi Kuchuklar
Masxaralab ulishdi.
Odat qildim shundan so‘ng,
O‘ylab, keyin so‘ylashni.
Ham o‘rgandim, qichqirmay,
Bosiq, mayin kuylashni.
Avval nodon, sho‘x edim,
Endi she’r ham to‘qiyman.
Tanishing, men birinchi –
«B» sinfda o‘qiyman!
Anvar Obidjon
Please Kirish or Saytga A'ZO BO'LISH to join the conversation.
- Platinum Member
- Boyliklarim Bolalarim.
Men kimning farzandi o‘zbek farzandi
O‘ziga to‘q, o‘ziga bek, buyuk ajdodi
Yuraklarda qolar ruhi fig‘oni
Men kimni farzandi, o‘zbek farzandi
Temuriylar hoki sening bag‘ringda
Boburiylar hoki sening bag‘ringda
Yashab o‘tgan momolarim sening bag‘ringda
Men kimni farzandi, o‘zbek farzandi
Ayollar jasorati o‘chmagaydir hech
To‘maris, Navoiysi, Nodirabegim
Faxir ila yodga olaman har chog‘
Men kimni farzandi, o‘zbek farzandi
Bahodirlar polvoni Jaloliddindek
Tengi yo‘q shoira Zulfiyaxondek
O‘g‘il - qizing bo‘lsin kelajak bo‘lsin
Men kimni farzandi, o‘zbek farzandi
Ona vatan onam kabi azizsan
Ota - onam borki, men baxtliman
Har doimo mehr berib tolishmas
Men kimni farzandi, o‘zbek farzandi
O‘g‘il qizing Alpomishday, Barchinday
Shoirlaring Boburday, Navoiyday
Kuchi ketmas Jaloliddin Manguday
Men kimni farzandi, o‘zbek farzandi
Olam uzra dong‘i tutgan elimsan
Duo qilgan hamma yurtni xalqimsan
O‘zing buyuk, o‘zing ajib jannatsan
Men kimni farzandi, o‘zbek farzandi
Navoiy yozgan hammasin o‘qi
Ibn Sino yozgan kitobin o‘qib
Yurtimning toza sof suvlarin ichib
Men kimni farzandi, o‘zbek farzandi
Temur bobom jangu - jadallar kezganj jahon
Muqumiylar ijod qilib yurgan jahon
Quyosh sharqdan – g‘arbga qarab botgan jahon
Men kimni farzandi, o‘zbek farzandi
Olima - olimlar bor bu yerlarda
Humodek uchadi qushlar ko‘klarda
Sendayin yurt yo‘q bu dunyoda
Men kimni farzandi, o‘zbek farzandi
Tog‘dan oqib tushar sharqiroq soylar
Sanamlardan uyalar ko‘kdagi oylar
Shoirlaring she’ridan yig‘laydi toshlar
Men kimni farzandi, o‘zbek farzandi
Qoshingga bosh egar kekkaygan tog‘lar
Chaman bo‘lib gullagay qir, adir, bog‘lar
Sening chiroyinga qanchalar ohlar
Men kimni farzandi, o‘zbek farzandi
Kindik qonim to‘kilgan shu pok jannatda
Ollohdan bir tilagim shu bir navbatda
Ko‘z tegmasin aslo tinchligimizga
Men kimni farzandi, o‘zbek farzandi
Andijon viloyati Boykechik qishlog‘idan Esonboyeva Mahpuraxon
Please Kirish or Saytga A'ZO BO'LISH to join the conversation.
- Platinum Member
- Boyliklarim Bolalarim.
Please Kirish or Saytga A'ZO BO'LISH to join the conversation.
- Moderator
- ALLOHIM O'ZINGGA MING BOR SHUKUR!
Дусту ёрон, кадрдонларим,
Жонингизга куяр жонларим,
Узингизни эхтиёт килинг.
💦💦💦
Тириклик деб, чопган оталар,
Рузгорим деб, шошган оналар,
Жонингизга куймас болалар,
Узингизни эхтиёт килинг.
💦💦💦
Таранг-таранг тортилар асаб,
Емираркан инсонни газаб,
Кон томирлар бунча мурт, ё Раб?!
Узингизни эхтиёт килинг.
💦💦💦
Унг томонда жойлашса юрак,
Булмасмиди шунчалар хуркак,
Чикса чикар гуручдан курмак,
Узингизни эхтиёт килинг.
💦💦💦
Тортишувда бир суздан колиб,
Нохуш гапни хазилга олиб,
Дилозорни Худога солиб,
Узингизни эхтиёт килинг.
💦💦💦
Эй дуст, хар не касби корингиз,
Хамрох сизга ташвиш, зорингиз,
Ёнингизда юрсин дорингиз,
Узингизни эхтиёт килинг.
💦💦💦
Улим - ёмон, дахшатли такдир,
Аммо дузах олдида бахтдир,
Асли уша оловдан хозир,
Узингизни эхтиёт килинг.
💦💦💦
Энг аввало ношукр булманг,
Жохил билан хамфикр булманг,
Беибодат, безикр булманг,
Узингизни эхтиёт килинг.
💦💦💦
Хаккингизни бермаса бахил,
Кургизсалар зулуму кахр,
Хисоб куни келар-ку ахир,
Узингизни эхтиёт килинг.
💦💦💦
Кандай шараф - АЛЛОХга кайтиш?!
Шартмас шунча улимдан куркиш,
Охиратда колган хамма иш,
Узингизни эхтиёт килинг.
💦💦💦
Сизга санчиб сузнинг найзасин,
Яйраса шу нодон яйрасин,
Сукут билан енгинг хаммасин,
Узингизни эхтиёт килинг.
💦💦💦
Кечирганни кечирур АЛЛОХ,
Панох берган топади панох,
Ёмонликдан не чикади, ох!
Узингизни эхтиёт килинг.
💦💦💦
Дуст томонга талпининг хар дам,
Куринг кувонч ташвишни бахам,
Одам тафтин олади одам,
Узингизни эхтиёт килинг.
💦💦💦
Куръон, хадис, шеърият, санъат,
Доно билан бир ширин сухбат,
Шу масми сиз кидирган жаннат?
Узингизни эхтиёт килинг.
💦💦💦
Гам келганда куюниб кетманг,
Бахт келганда суюниб кетманг,
Сокин яшанг, осуда яшанг,
Узингизни эхтиёт килинг.
💦💦💦
Кузлар хали куриб турганда,
Юрак хали уриб турганда,
Оёгингиз юриб турганда,
Узингизни эхтиёт килинг.
Please Kirish or Saytga A'ZO BO'LISH to join the conversation.
Yozmayapman bu safar maqtab.
Qoʻyaqoldim nomini atab,
Uyga qaytgan ayolga qiyin...
Bilmaysizda, yolgʻizlik yomon,
Notinch boʻlsa ayniqsa zamon.
Darrov nomi boʻlarmish yomon,
Uyga qaytgan ayolga qiyin...
Har kechada yigʻlar berkitib,
Qololmaydi uzoqqa ketib.
Gʻiybatlari kelar birpasda yetib,
Uyga qaytgan ayolga qiyin...
Oʻylar,oʻylar ota-ona shaʼnini,
Tirishadi saqlab nomini.
Beʼmalolroq yemas nonini,
Uyga qaytgan ayolga qiyin...
Qarab turar padar yuziga,
Koʻrinmay deb erkak koʻziga.
Birov parvo qilmas soʻziga,
Uyga qaytgan ayolga qiyin...
Jiyanlari jerkisa, kular,
Mazah qilsa, jonim deb suyar.
Lekin uyam ichidan kuyar,
Uyga qaytgan ayolga qiyin...
Keliniga buyurolmas ish,
Qayrab turar oʻz akasi tish.
Soʻrasholmas, koʻchada tanish,
Uyga qaytgan ayolga qiyin...
Minnat qilsa ona, roʻzgʻorin,
Bir shapaloq ursa oʻgʻlonin.
Chimchilaydi,yarimta jonin,
Uyga qaytgan ayolga qiyin...
Ayb toparlar darrov soʻzidan,
Soʻramaydi kamin oʻzidan.
Malham olar oʻgʻil qizidan,
Uyga qaytgan ayolga qiyin...
Singil kelsa,mehmon boʻlgani,
Aka kelsa ishdan koʻrgani.
Opasini shu-da oʻlgani,
Uyga qaytgan ayolga qiyin...
Erli toʻkis aql oʻrgatsa,
Sir aytsa-yu,onaga sotsa.
Ishonchini bilmay yoʻqotsa,
Uyga qaytgan ayolga qiyin...
Dasturhonda hamma narsa bor,
Lek yeyishga tortinsa takror.
Qovoq solib qilishsa bezor,
Uyga qaytgan ayolga qiyin...
Bir aylanib toʻyga bormasa,
Ona qoʻshib narsa olmasa.
Jon koyitib birov yonmasa,
Uyga qaytgan ayolga qiyin...
Holva bilan bol yemas kunda,
Yolvoradi Hudoga tunda.
Nima ayb bor ahir unda,
Uyga qaytgan ayolga qiyin...
© Koʻchirildi
Please Kirish or Saytga A'ZO BO'LISH to join the conversation.
Эшитдим, онажон, хафа эмишсан,
Кечир, ойлаб сенга ёзолмадим хат.
Гарчи муҳаббатдан тилардим эҳсон,
Ёруғ кунларимга бўлгандим илҳақ.
Юзимга нафасинг урилар илиқ,
Ажиб ёруғликка тўлмоқда хона.
Суратим қошида дуолар қилиб
Тағин йиғладингми, муштипар она?
Ўша гап, севганим шу азиз Ватан,
Бу қадар ташвишлар ютмагил, бағрим,
Ўксук отам каби ҳали ҳам зотан,
Қалқиниб-қалқиниб турибди шаҳрим.
Биламан… сирни бой беришлик ёмон,
Ўғлингга бу йўлда бардошлар тила.
Баъзан топганимни ичиб қўяман
Сирни бой бермасдан улфатлар ила.
Бироқ эҳ, билмайман, гўёки зимдан,
Кимдир таъқиб этар мени беомон.
Қандайдир бир кимса балки ҳақимда
Хунук латифалар тўқийди, ёлғон…
Она, куйланмаган бир куй истайман
Ва лекин алдоғчи ҳислар олур жон.
Эҳтимол, қаламни бекор қистайман,
Нетайин, ростини айтгил, онажон.
Яшил дарахтзорни ечинтирар куз,
Пойимда баҳорнинг алвидо уни.
Бепарво ёшликни илғамайди кўз,
Қайлардан ахтарай, онажон, уни.
Билурман… йўлимда ғичирлар тошлар,
Заъфарон куз янглиғ хаёлим тақир.
Шаҳарнинг ғавғоли тинчини ташлаб,
Узоқ вақт ёнингга бормадим ахир.
Эшитдим, онажон, хафа эмишсан,
Кечир, ойлаб сенга ёзолмадим хат.
Гарчи муҳаббатдан тилардим эҳсон,
Ёруғ кунларимга бўлгандим илҳақ.
Бахтсизликка ўхшаб кетар бу ҳолим,
Сенсиз бахтсизликка ўхшайди қисмат,
Сенсиз ёришмасди менинг хаёлим,
Дунёнинг лақаби бўлурди Ҳасрат.
Please Kirish or Saytga A'ZO BO'LISH to join the conversation.
- Platinum Member
- ONALIK BAXTIGA YETKAZGANIGA SHUKUR
Ҳар кун айтинг: жойнамозни ёз,
Aллоҳимга айтайлик дил роз.
Шунда ишларимиз бўлар соз,
Ёрим, туринг, ўқийлик намоз.
Тингланг, янграмоқдадир AЗОН,
Бенамознинг қадри ҳам арзон,
Умр ўтар, бўлмасдан хазон,
Ёрим, туринг, ўқийлик намоз.
Тутқичимиз бермай ғафлатга,
Улгуриб қолайлик БОМДОДга.
Бойлик тенг келолмас суннатга,
Ёрим, туринг, ўқийлик намоз.
Ечайлик кўнгилдан кишанни,
Ўз вақтида ўқиб ПЕШИНни.
Роббим осон қилсин ишимни,
Ёрим, туринг, ўқийлик намоз.
Намозни унутманг ишда ҳам,
Ўқинг AСР ёзу қишда ҳам,
Тетик бўлинг юз, етмишда ҳам,
Ёрим, туринг, ўқийлик намоз.
ШОМни ортга сурган бебахтдир,
Меваю соясиз дарахтдир,
Юраги қулф, қалби карахтдир.
Ёрим, туринг, ўқийлик намоз.
Дилни ёриштиради ХУФТОН,
Ҳатто зулматни этар у тонг,
Куйиб, кул бўлсин малъун шайтон,
Ёрим, туринг, ўқийлик намоз.
Беради нур ТAҲAЖЖУДингиз,
Лаззатланади вужудингиз,
Ҳаққа элтар ҳар сужудингиз,
Ёрим, туринг, ўқийлик намоз.
Йўллайлик салaвоту зикрлар,
Роҳманир Роҳиймга шукрлар,
Кунни якунлайлик ВИТР-ла,
Ёрим, туринг, ўқийлик намоз.
Ибодатда тўкилур гуноҳ,
Намозингизга бўлай гувоҳ.
Икки дунё бахт берсин Aллоҳ!
Ёрим, туринг, ўқийлик намоз...
Please Kirish or Saytga A'ZO BO'LISH to join the conversation.
- Platinum Member
- Boyliklarim Bolalarim.
Ооо, табрикларим!
Минг шукур саломат экан жону~тан...
Бугун бир қизиқдим,
Ҳар тонг эрталаб,
Ўн саккиз минг инсон уйғонмас экан!
Ёмон туш кўрдингми,
Бу эмас қайғу!
"Нималар кирмайди тушга...",~деганлар,
Тасаввур қилгина,
Миллионлаб бемор,
Тунлари бир чимдим ухламасканлар!
Дастурхон ёзилди хонадонингда,
Қош уйма, салгина суви қочган НОН,
Қайдадир ўқидим,
Бир бурда нонга,
Зор экан бир миллион саккиз юз инсон.
Болалар шовқини ёқмас қулоққа,
Шукур қил,
Улғайиб қолдилар анча,
Эҳ дўстим, НОЛИМА, ёруғ оламда,
Тирноққа зор бўлиб юрганлар қанча...
Минг шукур,
Юртинг тинч,
Рўзғоринг бутун,
Томоқдан сув ўтар, кўзларинг равшан...
Билмасанг билиб қўй,
Минглаб МУСОФИР,
Сен тепган тупроқни топмай...
Йиғларкан !!!
Please Kirish or Saytga A'ZO BO'LISH to join the conversation.
Чидайман бошимга кандай тош келса...
Кирк битта жонимни утда куйдирса...
Фарзандим Жонини Аягин Оллох....
Ожизман базида хатолик килсам,,,
Иш ташвиш, мехнатдан Толсам,,,
Ва Яна Кувончим Дея уни деб ёнсам...
Оллохим Фарзандим Жонин Аягин...
Чидайман нимаки синовинг булса....
Чидайман Танамга не огрик булса...
Йук йук Чидай олмайман Чидамайман хеч...
Жондан Азиз Фарзандим Агар Ох..Деса....
Ягона Ишончим Умидим Узинг...
Хаётда Топганим Бахтим Камолим....
Эртанги Кунимнинг Энг Ёруг Юлдузи..
Оллохим Боламни Жонин Асрагин.....
Оллохим Дея Йигласа Ожиз Бир Она...
Бандам Деб Сен Уни Бошин силагин,,
Майли Аёллик Бахтидан Айирсанг хамки....
Оналик Бахтидан Зинхор Айирма!!!
Please Kirish or Saytga A'ZO BO'LISH to join the conversation.