She'riyatga oshno qalblar

Кимнидир шу Кун охирги куни...

Хаёт чархпалаги айлар тинмай.
Ким учун кун утар гуё бир йилдай.
Бу умир йулимиз текизмас бирдай.
Ким булай дейди эй вох дунё устуни,
Кимнидир шу бугун охирги куни...

Кимгадир бахт йетишмас кимгадир
давлат.
Кимлар хор этади ким тилар фарзанд.
Ким узар йуллари бунчалар тирбанд.
Хамма хам узича хаёт мафтуни.
Кимнидир шу бугун охирги куни...

Бирма бир тулдириб мархумлар сафин.
Хар куни кимларнидир этиллар дафин.
Бизга бундан ортик дарс борми бугун.
Давом этса на бу хаёт хар куни.
Кимнидур шу бугун охирги куни...

Берилиб яшаймиз дунё завкига.
Бу уйин кулгу шодлик шавкига.
Тан олмай кайтишни замин багрига.
Давом этса на бу хаёт хар куни.
Кимнидир шу бугун охирги куни...

Хаёт чархпалаги айланар тинмай.
Ким учун йил утар гуё бир йилдай.
Бу умир йулимиз текизмас бирдай.
Ким булай дейди эй вох дунё устуни.
Кимнидир шу бугун охирги куни...!!!

Yo rabim aytgil, gunoxim nedur,
Bunchalar sinading, farzand dog'ida.
Senga yo'llaganim, birgina nolam,
Farzand ber menga xam, yo robim ollox.
Roziman qanchalar, bo'lsa sinoving,
Boshimga toshlaring, yog'saxam mayli.
Roziman ming bora,o'tda yonishga,
Barcha sinovingdan, mag'rur o'taman.
Lek birgina, o'tinchim sendan,
Farzand ber menga xam, YO ROBIM OLLOX!!!!!!!

Dilfuza apa juda yoqdi bu she'ringiz, rahmat... Bizdayam hozir faaqat eshik ochadigannnlar 😁😂😁

Sattorova wrote: Dilfuza apa juda yoqdi bu she'ringiz, rahmat... Bizdayam hozir faaqat eshik ochadigannnlar 😁😂😁

She'rni o'qimasdan sizni izoxingizni o'qigan edim tushunmadim she'rni o'qib keyin tushunibman ^xoxo$ .O'g'illarimizham eshik ochadigan bo'lsin InshaAlloh.
She'r molodes ekan.

🌱Қисмат эканда майли,
🌱Аллоҳ шуни хоҳлабди,
🌱Дарду - азоб туфайли,
🌱Гуноҳлардан поклабди ...

🌱Хаёт мисол дарёдир,
🌱Гохи лойқа гох тиниқ,
🌱Бу ўткинчи дунёдир,
🌱Бўлманггиз кўнгли синиқ ...

🌱Яшанг кулиб жилмайиб,
🌱Сабрдан дил порласин,
🌱Қалбинггиз бўлса майиб,
🌱Бахт қандай чорласин ...

🌱Кимда армон йўқ дейсиз,
🌱Ким армонсиз яшайди,
🌱Армони кўплар асли,
🌱Ҳазилкашга ўхшайди ...

🌱Эҳтимол сиз ёлғизсиз,
🌱Ёшлик чоғи гуллаган,
🌱Севгилинггиз севгини,
🌱Кимларгадир пуллаган ...

🌱Инсонларни инсондан,
🌱Билинг анча фарқи бор,
🌱Кимлар анча бебахо,
🌱Кимларнингдир нархи бор ...

🌱Ким омадли ким эса,
🌱Иши юришмас сира,
🌱Кенг дунёлар кўзига,
🌱Кўриниб қолган хира...

🌱Пайти келар омаднинг,
🌱Ўзи сизни топади,
🌱Армонлар хам етолмай,
🌱Ортинггиздан чопади ...

🌱Қариялар уйида қариялар,
🌱Ўтиришар мўлтираб,
🌱Ташлаб кетган боласини,
🌱Дуо қилар қалтираб ...

🌱Ота билан онанинг,
🌱Қадрига етмоқ керак,
🌱Уларга меҳр бериб,
🌱Фарзанддан кутмоқ керак ...

🌱Минг инсонда минг қисмат,
🌱Хаёт асли ўйиндир,
🌱Ўйинлигин унутган,
🌱Инсонларга қийиндир ...

🌸 Manba Telegram.🌸

#оналик.

Бирдан тобим қочдию,
ётиб қолдим бирпасда,
Нақд олти ҳил касалман,
бамисоли "гулдаста"
Дўхтирхонага бориб ётишга
шароит йўқ,
Болаларим қаровсиз,
ҳам кичкина, роса шўх.
"Тинчгина уйимга келақолсин
ҳамшира,
Сира тоқат қилмайман
дўхтирхона ҳидига!".
Дадамиз ишдан қолиб,
уйга дохтир опкелди,
Пешонани қаранг-ки,
ғўр ҳамшира дуч келди.
Кир ёядиганимга
осма укол илишди,
Тўртта томошабинимга
"кирмай туринг" дейишди.
Кирмай турса бўларми
шундоқ ишлар турганда?!
"Йиғлармикин онаси
дўхтир уколь қилганда?!"
Ҳали боқар эшикдан,
ҳали очар дераза,
Шундоқ томошалардан
қуруқ қолар қараса,
Ётибман шукр қилиб,
боқиб уйим шифтига,
Ҳамшира нақд беш жойим
тешиб нина тиқди-я.
Кетмаяпти дориси
"вой-войлаб" безилладим,
"Кир илгичга тегма" деб
боламга изилладим.
Тизилишиб рўпарамда
туришибди ҳаммаси,
Ҳамшира ҳам ижодда,
"тикаяпти зўр маҳси!"
"Бўлди, суғуринг бошқа,
керак эмас тажриба!",
Десам: лаби бурилиб
бир нималардир деса:
"Мунча жонингиз ширин,
суқмасимдан" вой" дийсиз"
Шундоқ "вой-вой" лар билан
тўрттани қандоқ туғдиз?!"
Каминанинг касали
олтита эди қурғур,
Лекин бошқа бир касал
сеп ёйибди ҳар тугул,
"Угра кесишни билмас,
лағмон дарсин ўтади",
Қилғилиқни қиб қўйиб,
яна сўроқ этади,
"Яхши қиз ўрганинг олдин
касбингизни бутунлай"
"Кейин бизга ётишни
ўргатасиз" тутқундай"
Доҳтир кетди аразлаб,
"аптечка" син кўтариб,
Дови юрмаган каби
чиртиллабу, лаб буриб.
Икки қўлим кўкарди,
икки томон тешилди,
Болаларим жим бўлмай,
қон босимим оширди.
Туғиш нима йўл берса,
туғасан берган маҳал,
Кейин бошланар "вой-вой",
илоҳим бўлма касал,
Ноилож қолган кўйи
болаларга қарадим,
"Сира оналар касал бўлмасин"
деб сўрадим...

Ummu Zaynab Ummu

#Аччиқ_Ҳақиқат


Эр деди, хотинига
Газета ўқиб туриб:
-Араб булиб қолмапмиз
Яхшиям худо уриб.

Қара,бу ваҳшийларни,
Шунақаям бўларкан.
Қиз туғилса чақалоқ,
Ерни ковлаб кўмаркан.

Хотин деди:-вой воя
Қаранга ўз боласи.
Бу исломдан олдинги
Араблар-да дадаси.

Талончилик,динсизлик.
Урушқоқ ҳар қабила.
Ўғил болаларидан
Тузар экан армия.

Қиз боладан не фойда?
Нонига бўлар шерик.
Боқиб боқиб бировга
Бервориш ақлсизлик.

Эр деди:- Таҳмин қилма
Жа унақа эмасдир.
Балки қиз узатишнинг
Қийинлиги сабабдир.

Икки қиз узатгунча,
Қул булиб ишладига
Ҳали Чорсуда савдо
Ҳали Хитой,Россия.

Олган эдик чиройли,
Тошкентнинг мебелини.
Катта қуданг қайтариб,
Юборган эсингдами?

Зўрини оламиз деб
Битта домни сотдирдинг
Молу қизингни бериб
Нима фойда ортирдинг.

Битта домнинг пулига
Учта уйни ясатиб
Ора кунда қизингни
Юборишар қақшатиб.

Куёвмиш кайнотасин
Мебелида ётиб ҳам,
Учрашганда эриниб,
Кўришадилар"акам"

Айтгим келар қўл чўзиб,
Қотганида энсаси:
"Қалай юмшок эканми,
Туркиянинг кўрпаси"

Ёқдими гиламларим?
Юнги пати узунми?
Турткиламай бошингда
Кўтариб юр кизимни.

Юмшок мебелларимчи,
Тушдими уй рангига?
Кетларингни қитиқлаб
Қийнамаяптими-а?

Олган чинни буюмлар
Хурусталларим қалай?
Ҳалли коса шўрваси
Ёқётгандир асалдай.

Қудангчи осмондалар
Белларида доим қўл
Келиннинг моли билан
Уйингни ясатмай ўл.

Дептилар алмаштиринг
Ёстикларнинг пари кам,
Чойнак пиёла кичик
Ликопларнинг зари кам.

Сепларининг ичида
Аптечкаси,дори йўқ
Пилесос ювадиган бўлсин,
Депти, ори йўқ.

Юбордиму десамда:
Кўнглинг мунча моғор-а?
Ўша пилесосимда
Қалбингниям тозала.

Хотин деди:-Ҳа майли
Бўлди энди дадаси.
-Келин топиб, шарт қўйсанг,
Ўлдираман онаси.

Қурбилари етганча
Сеп қиберсин,индама.
Хотин:-Менга барибир
Одамлар кулади-даа.

Эр дейди:-Бу хотинлар
Бунча ўч-а дунёга?
Ўтиб кетди ишлари
Хўжа кўрсин, риёга

Буларни бир меъёрга
Ўргатиб булармикан?
Ё шу "ким ошди"сини
Қилмаса ўлармикан?

Эркакларни ҳам секин
Қўлларига олишди.
"Ҳа шунақа экан"деб
Кўниб қўя қолишди.

Кўпроқ пул топайин деб
Юрган бўлса қай эркак
Миясида бир фикр:
"Қиз узатишим керак".

Лом мим,ҳатто, алифни
Билмасак мўмин бўлиб,
Тўйшунослик илмини
Ичворганмиз сув килиб.

Сен паст булиб қудадан
Сўраб олма борини.
Мўмин киши қийнамас
Мўмин биродарини.

Ким қудани қийнаса,
Таъма-ла бериб озор.
Боласин тирик кўмган
Ваҳшийдан не фарқи бор?

У боласин тупроққа
Кўмса боқмай оҳига,
Бу қудасин кўмяпти
Таъма таъна чоҳига.

Фарқи шуки,улар дин
Нур кўрмаган инсонлар,
Биз-чи ғурурга кетиб,
Бузилган мусулмонлар.

Бу ҳою ҳавасларнинг
Сўроғи ҳам бўлади.
Марҳабо ҳаддан ошса
Охиратда кўради.

🌸 🌸

Xamma sherlarni mazza qilib o'qibman raxmat qizlar

Эрларни эҳтиёт қилинг, аёллар!

Эри бор аёлга тегмайди бало,
Меҳр деган малҳам ҳар дардга даво,
Одам Атосини суйгандек Ҳаво,
Эрларни эҳтиёт қилинг, аёллар.

Ишонманг забардаст билакларига,
Оғриқлар киритманг юракларига,
Айланинг ҳаммадан керакларига,
Эрларни эҳтиёт қилинг, аёллар.

Уйим деб, болам деб ўтар ҳар они
Биздек қирқта эмас шўрликни жони,
Ундан аввал қўйиб ёлғиз Худони
Эрларни эҳтиёт қилинг, аёллар!

Қизғанманг ҳар недан арзон меҳрни!
Ўрганинг сўнги зар бўлган сабрни,
Ҳеч ердан топмасин сиздек қадрни,
Эрларни эҳтиёт қилинг, аёллар!

Султоним, Бегим деб эркаланг кунда,
Шай туринг аскардек кундаю тунда!
Сиздан бахтли аёл бўлмагай шунда,
Эрларни эҳтиёт қилинг, аёллар!

Сизни суягидан яратган Эгам,
У ризо бўлмаса босманг бир қадам,
Кўнглига йўл топинг нима бўлса ҳам,
Эрларни эҳтиёт қилинг, аёллар!

Омади кетганда юзига солманг!
Минг бора айланим, ўргилиб толманг,
Дод солиб бир куни айрилиб қолманг,
Эрларни эҳтиёт қилинг, аёллар!

🖋Малика Салимова..

🌸 🌸

dilimda wrote: Эримга шу шеърни телеграмдан ташаворсаммикан, роса ёқиб кетсам керак-а?

Dilimda opa sizi battaroq sevishni boshlaydi bu she'rdan keyin.

KORONAVIRUS

Ko'zi qisiq, soni ko'p
Xitoylar tinch yurmadi
Internetda xabarlar
Tez tarqadi turmadi

Nima emish ajabo?!
Virus chiqdi Xitoydan
Xitoylar yemagan-da
Sumalak-u, shirmoydan

Ular yegan ilonni
Qurt-qumursqa chayonni
Xullas tinch qo'yishmagan
Qimirlagan har jonni

Virus nomi "Korona"
Tojga o'xshab ketarmish
Havodanu yo'taldan
Tez bizga ham yetarmish

74 ta mamlakat
Zir titradi virusdan
Virus chetlab o'tmabdi
Qozoq, Qirg'iz va rusdan

Chegaralar yopildi
Oldi- berdi to'xtadi
Xalq tilida vahima
"Bu vaboga o'xshadi"

Iqtisodchi bu holni
Foyda ko'zlab qildi der
Siyosatchi Xitoyni
Barin boshdan bildi der

Xullas, har kim o'zicha
Talqin qilar tinmasdan
Suhbatlar shu haqida
Mohiyatin bilmasdan

Birov deydi bu virus
Kofirlarga kelibdi
Xitoyliklar Islomni
Darhol qabul qilibdi

Birov deydi sira ham
Xavfli emasmish virus
Issiq choydan ichsangiz
Virus bo'ladi minus

Kimdir deydi bolalar
Virusga chalinmasmish
"Qarilarga qirg'in bu"
Deya qiladi mish-mish

Televizor, radioda
Gazetada shu mavzu
Hatto darslar shu haqda
Jonga tegdi shu mavzu!

Qirq yil qirg'in kelsa ham
Ajal olar jonimiz
Allohga tavakkaldir
But bo'lsin iymonimiz

Shov-shuvlarga qarata
Ayting Alhamdulillah
Bizni qo'llab quvvatlar
Saqlar birgina Alloh!

Shukr qiling kelmadi
Hali hech oxirzamon
Sog'-salomat jonimiz
Tinch - totuv O'zbekiston.
🥳🥳🥳🥳🥳🥳🥳🥳🥳🥳

Илтимос! Уйда қолинг!

Оллоҳ синов ташлади,
Қисмат қирғин бошлади,
Вирус дилни ғашлади,
Илтимос! Уйда қолинг.

Ким сӯфи, ким айбдор,
Барчамиз ҳам гуноҳкор,
Ҳазил эмас бу "Мақол"
Илтимос! Уйда қолинг.

Титроқ бор танамда воҳ,
Дил илҳақ онамга воҳ,
Ойнадан оламга боқ!
Илтимос! Уйда қолинг.

Майли бизни ӯйламанг,
Баҳоналар сӯйламанг,
Яқинларни қийнаманг,
Илтимос! Уйда қолинг.

Ҳавотир ер курраси,
Оғди дуннинг палласи,
Бу Тангрининг чилласи,
Илтимос! Уйда қолинг.

Бошида ӯйин билдик,
Офатни тийин билдик,
Ҳаммасин кейин билдик,
Илтимос! Уйда қолинг.

Ӯтди ӯтмиш, ӯтди қиш,
Бу шундайин мудҳиш-иш
Кӯчада йӯқдир кишмиш!
Илтимос! Уйда қолинг.

Ӯйланг! Жигар, дилбандни,
Асранг! Ҳар дил, фарзандни,
Олинг! Бир гал шу пандни!
Илтимос! Уйда қолинг.

Дуо айланг куйганга,
Шу балодан тӯйганга,
Синов берар суйганга!
Илтимос! Уйда қолинг.

Ҳали келар даврон ҳам,
Келар бахтли замон ҳам,
Барча яхши, ёмон ҳам!
Илтимос! Уйда қолинг.

Таъсирли шеър экан илиндим сизларга.

Бошимга не келса кузларим курди
Дардларим дунёга айтмадим жимман
Аллохим бандам деб берган синовга
Кимгадур ох уриб йигласам кимман?

Ёлгончи дунёга сир айтмок нечун
Хар кандай кунимга шукурлар айтдим
Кеча тупрокдан яралгандим мен
Эртага кун битиб тупокка кайтгум

Жаннатдан умидвор иймоним саклаб
Кул булишликдан куркдим нафсимга
Кимнидир ранжитсам кийналди юрак
Кимдир ранжитса кечирдим куйдим

Дустларга ишондим алдаб кетса хам
Айбдор узим деб куксимни уйдим
Бандаман гунохкор, Яратган хакдир

Дилимда бир суз тилимда такрор
Аллохим кургазган кунинга шукур

Бошимга не келса кузларим курди
Казо-Кадарга розиман жимман

#ижод.

Муҳаббатдан сўзлаб,
куйлаб юрганлар...
Чиройини ойу- кунга
менгзаб юрганлар,
Ошиқларин санаб,
танлаб, юрганлар...
Шундоқ юзингизга
доғлар тошганда...
Сарв қоматга зилдай
тоғлар тушганда...
Қуриган дарахтдек қовжираганда...
Сизга қараб учган-
қушингиз борми?!
Аллоҳ учун суйган
кишингиз борми?!
Атирлар терасиз
ойна тўшига,
Қаламлар пайваста
қаро қошига,
Алишмай дунёнинг
зари-лошига...
Сарғайган кўзингиз
ўпган... силаган...
Сочингизга бармоғи
сувлар тараган,
Кафтларини босиб,
умрин улаган,
Уйғониб ҳам кўрган
тушингиз борми?!
Аллоҳ учун суйган
кишингиз борми?!
Ўн саккизда- олов
юзларнинг ранги,
Йигирма... соч- укпар,
юраклар занги,
Ром этмай сиздаги
пуллар жаранги,
Бор бисотин сизга
нисор этгувчи,
Кетсангиз- келсангиз
мудом кутгувчи...
Қошингиз уйсангиз,
ишвасиз, нозсиз...
Энг хунук чоғда ҳам севса-пардозсиз...
Баҳор, ёз, куз...
Иссиқ-қишингиз борми?!
Аллоҳ учун суйган
кишингиз борми?!
Айбингиз яширган,
камингиз ёпган,
Гардингизни пуфлаб,
тозалаб- топган,
Ҳасрат ёшингизга
чиғаноқ бўлиб,
Бир кун-кафтингизга
дур қилиб тутган,
Лим тўлсангиз тўлган...
тўкилсангиз жим...
Яратган йўлида
сизни суяр-ким?!

Худо берган хуснла
азиз билгувчи,
Ҳаққингизга мудом
дуо қилгувчи,
Ҳеч кимса кирмаган
кўнгил уйига,
Бир ўзи хукмрон,
эга бўлгувчи,
Ойдин кунда яйраб,
қаро кунида,
Яхшию-ёмондан
паналаб ўтган,
Жаннатларда
ҳуру-ғилмонни эмас,
Яна келиб сизнинг
қўлингиз тутган...
Икки дунё бардавом
ишқингиз борми?!
Аллоҳ учун суйган
кишингиз борми?!

Ummu Zaynab Ummu